ყველამ უნდა იცოდეს, რომ არჩევნებზე ადამიანთა, ამომრჩეველთან მიმართ რაიმე სახის ზეწოლა არის დასჯადი და ეს  სასჯელი უფრო მკაცრი იქნება ვიდრე იყო გუშინ, - ამის შესახებ პარლამენტის თავმჯდომარის პირველმა მოადგილემ, გია ვოლსკიმ ჟურნალისტებს განუცხადა.​

მისი თქმით, ხელისუფლებას სრული რესურსი გააჩნია იმისთვის, რომ არჩევნები გამჭირვალედ და მაღალი დემოკრატიული სტანდარტით ჩატარდეს.

„საარჩევნო ცვლილებები, ზომების გამკაცრება,  თუკი ადამიანების მიმართ რაიმე ზეწოლა განხორციელდა არჩევნების წინ, არც უნდა იყოს საჭირო დემოკრატიულ ქვეყანაში, მაგრამ ჩვენი ოპონენტების მიერ, ამის გარშემო შექმნილი აჟიოტაჟი გვავალდებულებს, რომ პასუხი გავცეთ მათ ამ ბრალდებებს და არა მარტო ბრალდებებს. ზოგადად, ყველამ უნდა იცოდეს, რომ არჩევნებზე ადამიანთა, ამომრჩეველთან მიმართ რაიმე სახის ზეწოლა არის დასჯადი და ეს  სასჯელი უფრო მკაცრი იქნება ვიდრე იყო გუშინ. კიდევ ერთხელ ვაცხადებ, რომ ხელისუფლება არა მარტო განწყობილია არამედ, სრული რესურსი გააჩნია იმისთვის, რომ არჩევნები ჩატარდეს გამჭირვალედ და მაღალი დემოკრატიული სტანდარტით“, - განაცხადა ვოლსკიმ.

ავტორი: ექსპრესნიუსი,

სოციალური ქსელები

კახა კალაძე ინტერ რაოს დასანქცირებაზე: თუ საჭირო აუცლებლობა იქნება რა თქმა უნდა, შესაბამის ნაბიჯებს გადავდგამთ

პროკურატურამ გიორგი ბარამიძის განცხადებასთან დაკავშირებით გამოძიება დაიწყო

Wine Square X Lunatic ერთმანეთის მხარდასაჭერად | მცირე ბიზნესის ჯაჭვი გრძელდება

ვალტონენი – ფინეთი მტკიცედ უჭერს მხარს საქართველოს სუვერენიტეტსა და ტერიტორიულ მთლიანობას