თამარ ბაჩალიაშვილის გარდაცვალების საქმესთან დაკავშირებით მისი მშობლები შინაგან საქმეთა სამინისტროში გამოკითხვაზე იმყოფებიან.

ბაჩალიაშვილის მამის, ჯუმბერ ბაჩალიაშვილის თქმით, შეხვედრაზე უნდა განიხილონ ერთ-ერთი პოლიციელის მიერ ნათქვამი ფრაზა, რომელმაც მის მეუღლეს სატელეფონო საუბრისას უთხრა, რომ „მათი შვილი მაგარ შარშია“.

„უნდა გამომკითხონ იმასთან დაკავშირებით, რაც ბაჭულაშვილმა მითხრა - შენი გოგო ძალიან დიდ შარშია გახვეულიო. ეს ჩემმა მეუღლემაც გაიგო და მოსული ვართ გენინსპექციაში. ვნახოთ, რას იტყვიან. ველოდები. დიდი ხანია, არანაირი რეაგირება არ ყოფილა. თვითონვე დამიკავშირდნენ გენინსპექციიდან დღევანდელ გამოკითხვასთან დაკავშირებით. აქამდე არ გამოვკითხულვარ ამ თემაზე. სულ ვიძახდი, რატომ არ გაინტერესებთ, თუ რის გამო მითხრა ამ პიროვნებამ ასე, რომ დავურეკე, ბაჭულაშვილმა ​მითხრა, შენი გოგო ძალიან დიდ შარშია გახვეულიო და მაგასთან დაკავშირებით. ეს მეუღლემაც გაიგო და მოსული ვართ ახლა გენინსპექციაში, ვნახოთ, რას იტყვიან ამაზე. ამას ველოდებით დიდი ხანია, არაფერი რეაგირება ამაზე დღემდე არ ყოფილა. ველოდებით რა იქნება“, - განაცხადა ჯუმბერ ბაჩალიაშვილმა.

შეგახსენებთ, რომ თამარ ბაჩალიაშვილი 18 ივლისს გაუჩინარდა. ის 5-დღიანი ძებნის შემდეგ თეთრიწყაროს ტყესთან, საკუთარ მანქანაში გარდაცვლილი იპოვეს.

ბაჩალიაშვილის საქმეზე გამოძიება თავისუფლების უკანონო აღკვეთის მუხლით დაიწყო, შემდეგ კი ბრალდების კვალიფიკაციას თვითმკვლელობამდე მიყვანის მუხლი დაემატა.

ავტორი: ექსპრესნიუსი,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის