ბელარუსის პრეზიდენტობის ოპოზიციონერი კანდიდატი სვეტლანა ტიხანოვსკაია ვიდეომიმართვაში აცხადებს, რომ მზად არის გახდეს ეროვნული ლიდერი.

მან ვიდეომიმართვაში თავის პოლიტიკურ კარიერაზე ისაუბრა და აღნიშნა, რომ პოლიტიკურ ლიდერად გახდომა არასდროს ყოფილა მისი მიზანი, მაგრამ მზად არის, რომ ბელარუსს ცვლილებებისკენ გაუძღვეს.

„თქვენ მე არჩევნებზე ხმები მომეცით, რასაც მე ვაფასებ. დარწმუნებული ვარ მიზეზში, რატომაც გააკეთეთ ეს. ჩვენ ყველას გვინდა გასვლა ამ დაუსრულებელი წრიდან, რომელშიც 26 წლის წინ აღმოვჩნდით. მე მზად ვარ, რომ საკუთარ თავზე ავიღო პასუხისმგებლობა და გავხდე ეროვნული ლიდერი, იმისათვის, რომ ქვეყანა დაწყნარდეს, გადავიდეს ცხოვრების ნორმალურ რიტმზე, გათავისუფლდეს ყველა პოლიტიკური პატიმარი და მოვამზადოთ ძალიან სწრაფად ახალი საკანონმდებლო საფუძველი, რომ დავაორგანიზოთ ახალი საპრეზიდენტო არჩევნები. რეალური, სამართლიანი და გამჭვირვალე არჩევნები, რომლებსაც მსოფლიო საზოგადოება უკამათოდ მიიღებს“, - განაცხადა სვეტლანა ტიხანოვსკაიამ.

სვეტლანა ტიხანოვსკაიამ ასევე მოუწოდა ქვეყნის სამართალდამცველებსა და უსაფრთხოების ძალებს, რომ შეწყვიტონ ალექსანდრ ლუკაშენკოს ხელისუფლების მხარდაჭერა და იმ შემთხვევაში, თუ ისინი ამას გააკეთებენ, მაშინ საზოგადოება აპატიებს იმას, რაც აქამდე ჩაიდინეს.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი

აშშ-მ ირანს ჰორმუზის სრუტეში თავდასხმების შესაჩერებლად ვადა დაუწესა