2020-07-29 10:41:20, 3517 ნახვა
სამართალი
გიორგი რურუას განაჩენი, შესაძლოა, დღეს გახდეს ცნობილი
ტელეკომპანია „მთავარი არხის“ ერთ-ერთი მეწილის, გიორგი რურუას საქმის განხილვა დასკვნით ეტაპზე გადადის.
დღეს საქალაქო სასამართლოში პროცესზე დაცვის მხარე დასკვნით სიტყვას წარმოთქვამს.
ადვოკატების თქმით, ფაქტები კიდევ ერთხელ ადასტურებს, რომ გიორგი რურუას იარაღი ჩაუდეს.
სასამართლოს მიმართავს ბრალდებულიც, რის შემდეგაც მოსამართლე გადაწყვეტილების გამოსატანად გავა.
ცნობისთვის, გიორგი რურუა 2019 წლის 18 ნოემბერს დააკავეს. მას ცეცხლსასროლი იარაღის უკანონო შეძენა-შენახვა-ტარებაში ადანაშაულებენ.
ავტორი: ექსპრესნიუსი,
epn.ge (@expressnews.ge)
