2020-07-15 12:15:43, 3254 ნახვა
სამართალი
გიორგი რურუა სასამართლოში დღეს ჩვენებას მისცემს
გიორგი რურუა სასამართლოში დღეს ჩვენებას მისცემს. ამის შემდეგ სასამართლო პროცესი უკვე დასკვნით ფაზაში გადავა.
როგორც რურუას ადვოკატი დიმიტრი საძაგლიშვილი აცხადებს, რურუას სასამართლოს მიაწვდის დეტალურ ინფორმაციას იმასთან დაკავშირებით, თუ რა მოხდა 18 ნოემბერს.
„დღეს დაიკითხება თავად გიორგი რურუა. ის სასამართლოს მიაწვდის ინფორმაციას იმასთან დაკავშირებით თუ რეალურად რა მოხდა 18 ნოემბერს. ის ისაუბრებს იმაზე, რომ ადგილზე არანაირი ჩხრეკა არ ჩატარებულა და ცეცხლსასროლი იარაღი მას თვალით არ უნახავს“, - განაცხადა ადვოკატმა.
შეგახსენებთ, რომ სასამართლო გიორგი რურუას ცეცხლსასროლი იარაღის მართლსაწინააღმდეგოდ შეძენა-შენახვა-ტარებას ედავება.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
