2020-07-03 11:36:17, 3935 ნახვა
მსოფლიო
ინდოეთში ინფიცირებულთა რაოდენობა რეკორდულად იზრდება, თუმცა ტაჯ-მაჰალი ტურისტებისთვის ერთ კვირაში გაიხსნება
ბოლო 24 საათის განმავლობაში, ინდოეთში ინფიცირების რეკორდული მაჩვენებელი დაფიქსირდა, რომელიც 20 903-ს შეადგენს. თუმცა ტურისტების მისაღებად, ყველა ძეგლი, მათ შორის ტაჯ-მაჰალი ერთ კვირაში გაიხსნება - ამის შესახებ ინფორმაციას, ქვეყნის ჯანდაცვის სამინისტრო ავრცელებს.
მიუხედავად ინფიცირების შემთხვევების ზრდისა, ინდოეთის ხელისუფლება საკარნტინე შეზღუდვებს ამსუბუქებს, თუმცა მაღალი რისკის ზონებში კვლავ მკაცრი კარანტინის პირობებში უწევს მოსახლეობას ცხოვრება.
ინდოეთში კორონავირუსული ინფექციის, სულ 625 544 შემთხვევა დაფიქსირდა, ხოლო 18 213 ადამიანი გარდაიცვალა.
ავტორი: მარიამ იმერლიშვილი, ექსპრესნიუსის რეპორტიორი 2020 წლიდან
epn.ge (@expressnews.ge)
