საქართველოში მეზღვაურის პროფესია „საკვანძოდ" გამოცხადდა. შედეგად, გემზე მყოფი ქართველი მეზღვაურები სამშობლოში უფრო მარტივად დაბრუნდებიან. ეკონომიკისა და მდგრადი განვითარების მინისტრის ნათია თურნავას განცხადებით, მეზღვაურები დაბალი რისკის მქონე პირებს წარმოადგენენ, რადგან მათ პანდემიის გამო ნაპირთან კონტაქტი შეზღუდული აქვთ. ამასთან, მინისტრმა აღნიშნა, რომ სამშობლოში დაბრუნების გამარტივებული პროცედურა არ გულისხმობს უსაფრთხოების ნორმების შერბილებას.

„საზღვაო ტრანსპორტის სააგენტომ დღეის მდგომარეობით 600-ზე მეტ მეზღვაურს გაუწია დახმარება. ჩვენ ავამოქმედეთ „მწვანე კორიდორები" სხვადასხვა ქვეყნებთან მეზღვაურთა დროული დაბრუნებისთვის," - განაცხადა ნათია თურნავამ. მისი თქმით, ქართველი მეზღვაურების როტაციის პროცესის სტიმულირების მიზნით რამდენიმე გემი სრულიად გათავისუფლდა საქართველოს პორტებში შემოსვლისთვის დაწესებული საფასურისგან, როდესაც მათი შემოსვლის მიზანი მხოლოდ ეკიპაჟის შეცვლა იყო.

მეზღვაურთა „საკვანძო პროფესიად" გამოცხადებას ითვალისწინებს ეკონომიკისა და მდგრადი განვითარების მინისტრის ბრძანება საქართველოში მეზღვაურთა გადაადგილებისას ახალი კორონავირუსის გავრცელების აღკვეთის მიზნით ეპიდემიოლოგიური კონტროლისა და კარანტინის წესების შესახებ. მის მიზანს პანდემიის პერიოდში საქართველოში მეზღვაურების შეუფერხებელი და უსაფრთხო გადაადგილების უზრუნველყოფა წარმოადგენს. ამით საქართველო იმ სახელმწიფოებს შეუერთდა, რომლებმაც განსაკუთრებულად აღნიშნეს მეზღვაურის პროფესიის მნიშვნელობა პანდემიის პერიოდში მსოფლიოს სასიცოცხლოდ მნიშვნელოვანი პროდუქციის საზღვაო გზით მიწოდების უზრუნველყოფის მიმართულებით.

აღსანიშნავია, რომ საერთაშორისო საზღვაო ორგანიზაციამ (IMO), ჯანდაცვის მსოფლიო ორგანიზაციამ (WHO), შრომის საერთაშორისო ორგანიზაციამ (ILO) და  სამოქალაქო ავიაციის საერთაშორისო ორგანიზაციამ (ICAO) ერთობლივად აღიარეს მეზღვაურები, როგორც Key Workers (საკვანძო პროფესიის წარმომადგენლებად) და მოუწოდეს წევრ სახელმწიფოებს შეზღუდვების მაქსიმალური შემცირებისკენ მეზღვაურების მგზავრობის და გემზე ასვლის მიმართ.

ავტორი: NS (სტატია დაფინანსებულია),

სოციალური ქსელები

ჯ.დ. ვენსი: დიდი ხანია, რაც ბრიტანეთს საკუთარი ხელმძღვანელობა ღალატობს

თბილისის ანძა აშშ-ის დროშის ფერებში განათდა

კიევში, ამერიკის დამოუკიდებლობის 250-ე წლისთავის აღსანიშნავად, სამშობლოს მონუმენტი აშშ-ის დროშის ფერებში განათდა

აშშ-ში ექსტრემალურმა სიცხემ 25 ადამიანი იმსხვერპლა და 4 ივლისის აღნიშვნა ჩაშალა