2020-05-13 13:20:34, 1596 ნახვა

---

ჭიაბერაშვილის განცხადებით, დღევანდელ შეხვედრაზე ისაუბრებენ იმასთან დაკავშირებით, თუ როგორ არ დაუშვან 8 მარტის შეთანხმების ჩაშლა

„ევროპული საქართველოს“ წევრმა, ზურაბ ჭიაბერაშვილმა განაცხადა, რომ ლეიბორისტული პარტიის ოფისში დღევანდელ შეხვედრაზე ისაუბრებენ იმასთან დაკავშირებით, თუ როგორ არ დაუშვან 8 მარტის შეთანხმების ჩაშლა.

მისი თქმით, არჩევნებამდე ისე უნდა მივიდეს ქვეყანა, რომ ნაკლები ზიანი მიადგეს საზოგადოებას, ქვეყანასა და მის იმიჯს საზღვარგარეთ.

„ოპოზიციის მაგიდის გარშემო საუბარი იქნება ზუსტად იმაზე, როგორ არ დავუშვათ, რომ ხელისუფლებამ, მიუხედავად იმისა, რომ მას ამის სურვილი აქვს, ჩაშალოს ეს შეთანხმება და როგორ მოხდეს ამ შეთანხმების შესრულებით ისე მისვლა არჩევნებამდე, რომ „ქართულმა ოცნებამ“ და ბიძინა ივანიშვილმა რაც შეიძლება ნაკლები ზიანი მიაყენოს ჩვენს საზოგადოებას, ჩვენს ქვეყანასა და მის იმიჯს საზღვარგარეთ“, - განაცხადა ზურაბ ჭიაბერაშვილმა.

შეგახსენებთ, რომ რამდენიმე თვიანი პაუზის შემდეგ, გაერთიანებული ოპოზიცია ლეიბორისტული პარტიის ოფისში კონსულტაციებისთვის იკრიბებიან.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი