თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, ინფექციურ საავადმყოფოში კორონავირუსით ინფიცირებული ერთი პაციენტის მდგომარეობა ისევ კრიტიკულია.

მისი თქმით, პაციენტი ერთი კვირაა მათ საავადმყოფოშია მოთავსებული და მისი მდგომარეობის სტაბილიზაცია ჯერჯერობით არ მომხდარა.

„5 ახალი დადასტურებული შემთხვევიდან ყველას წყარო ცნობილია. აქედან 3 საკარანტინე სივრციდანაა და მიმდინარეობს მათი კონტაქტების ჩაღრმავებული ეპიდემიოლოგიური კვლევა.

ჩვენს ცენტრში ახალი დადასტურებული პაციენტი არ მიგვიღია. ამ ეტაპზე გვყავს 47 დადასტურებული პაციენტი, რადგან გუშინ ოთხმა გამოჯანმრთელებულმა დატოვა კლინიკა. დღესდღეობით გვყავს 79 გამოჯანმრთელებული პაციენტი. 47 პაციენტიდან ერთის მდგომარეობა კვლავ კრიტიკულია. ეს პაციენტი უკვე ერთი კვირაა რაც ჩვენთან იმყოფება და არის ჟანგბადდამოკიდებული. მისი მდგომარეობა მძიმეა როგორც ასაკით, ასევე თანარსებული დაავადებებით. ამ ერთი კვირის განმავლობაში სტაბილიზაცია არ მიგვიღია.

დაგვრჩა მხოლოდ ერთი მძიმე პნევმონიის მქონე პაციენტი, ხოლო დანარჩენების მდგომარეობა გაუმჯობესებულია. ძირითადად საშუალო და მსუბუქი მდგომარეობის პაციენტები გვყავს“, - განაცხადა მარინა ეზუგბაიამ.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს