აჭარის ჯანდაცვის მინისტრის მოადგილის, ნინო ნიჟარაძის განცხადებით, ბათუმის კლინიკა „მედფალფაში“ კორონავირუსზე 24 პაციენტი მკურნალობს, ხოლო რეგიონში გამოჯანმრთელებულია 31 პირი.

მისი თქმით, ჩატარებული 4300-ზე მეტი კვლევიდან, დაახლოებით 1000 სამედიცინო პერსონალია გამოკვლეული.

„რეგიონში რეგისტრირდება 31 გამოჯანმრთელებული პირი. ამ ეტაპზე კლინიკა „მედალფაში“ 24 პაციენტი მკურნალობს და ყოველდღე ველოდებით საკონტროლო კვლევის შედეგებს, განმეორებითი კვლევის შედეგებს. შესაბამისად, განკურნებულ პირთა რაოდენობა მოიმატებს ყოველდღიურად. ჯერჯერობით სიტუაცია სტაბილურია და ვიმედოვნებთ, ახალი შემთხვევები გვექნება მინიმალური. თუმცა, ეს არ ნიშნავს, რომ ჩვენ გვაქვს კარგი სიტუაცია, რადგან ეპიდემიოლოგიური სიტუაციის შემდგომი განვითარების პროგნოზი დამოკიდებულია თითოეულ ჩვენთაგანზე. რაც შეეხება სულ ჩატარებულ კვლევის შედეგებს, სულ ჩატარებულია 4300-ზე მეტი ლაბორატორიული კვლევა და მათ შორის დაახლოებით, 1000 არის სამედიცინო პერსონალი. ე.წ. ქობულეთის კლასტერთან დაკავშირებული 36 შემთხვევა რჩება აღრიცხული, მაგრამ მათ შორის 9 პირი არის უკვე განკურნებული. ქობულეთის კლასტერიდან სამი სოფელი, რომელიც ჩაკეტილია, იზოლაციაში მყოფ პირებს მოეხსნათ იზოლაცია, მაგრამ სოფლები რჩება ისევ მაღალი რისკის ზონად“, - განაცხადა ნინო ნიჟარაძემ.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს