2020-04-17 16:24:43, 1491 ნახვა

---

მეუფე იაკობის განცხადებით, გამყრელიძემ და იმნაძემ ბოდიში უნდა მოიხადონ, რადგან ხალხს აღდგომას ტაძარში წაუსვლელობისკენ მოუწოდებენ

ბოდბის ეპარქიის მთავარეპისკოპოსმა მეუფე იაკობმა განაცხადა, რომ პაატა იმნაძე და ამირან გამყრელიძე უნდა გამოვიდნენ და ბოდიში მოიხადონ, რადგან ხალხს აღდგომას ტაძარში წაუსვლელობისკენ მოუწოდებენ.

მისი თქმით, ეკლესიისთვის რაიმეს გადაბრალება არავის არ გაუვა.

„ეკლესიაზე დარწყმა ხორციელდება. მინდა იცოდნენ, რომ ეკლესიაზე გადაბრალება არავის არ გაუვა. ყველამ მიხედოს თავის საქმეს, ჩვენ დავდივართ წირვაზე და მაგათთან (ამირან გამყრელიძესა და პაატა იმნაძესთან) დაინფიცირებული ხალხი ჩვენთან მოდიან. მე ვფიქრობ, რომ უნდა გამოვიდნენ და ბოდიში მოიხადონ, რადგან აღდგომას ტაძარში წაუსვლელობისკენ მოუწოდებენ ხალხს. უნდა გამოვიდნენ და ბოდიში მოიხადონ, რადგან ღირსება შერჩეთ“, - განაცხადა მეუფე იაკობმა.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი