საგანგებო მდგომარეობაზე გადასვლისთვის ტექნიკურად მთავრობა მზად არის უკვე დღეს, ჩვენ ეს შეგვიძლია გამოვაცხადოთ ხვალ, ზეგ, მაგრამ არ შეიძლება ამის გამოცხადება, ეს არ არის თვითმიზანი, -  ამის შესახებ საქართველოს პრემიერ-მინისტრმა გიორგი გახარიამ „ღამის კურიერში" განაცხადა.

პრემიერის თქმით, ამ თემით სპეკულირება არ შეიძლება.

„ჩვენთვის ყველაზე მნიშვნელოვანია გარკვეული ბალანსის დაცვა. რა თქმა უნდა, საგანგებო მდგომარეობაზე გადასვლისთვის ტექნიკურად და გეგმის მიხედვით სახელმწიფო უკვე მზად არის. შემთხვევით არ მითქვამს, რომ უწყებათაშორისი საბჭო შეიქმნა 28 იანვარს. მაშინ, როდესაც ბევრ ქვეყნებში საერთოდ რეაქციაც არ ჰქონდათ დაწყებული.
საგანგებო მდგომარეობაზე გადასვლისთვის ტექნიკურად მთავრობა მზად არის უკვე დღეს. ჩვენ ეს შეგვიძლია გამოვაცხადოთ ხვალ, ზეგ, მაგრამ არ შეიძლება ამის გამოცხადება. ეს არ არის თვითმიზანი. დღეს ჩვენ რომ გვაკლდეს ისტრუმენტები იმისათვის, რომ მიმდინარე პროცესი ვმართოთ, რა თქმა უნდა, ჩვენ ამას გავაკეთებდით. არ შეიძლება ამით სპეკულირება. ქართველი ხალხი არის ძალზე გონიერი, დიდი გამოცდილების მქონე და შეუძლებელია, რომ მსგავსი მოწოდებებით ან პანიკური განწყობების შექმნით  ვინმე შეცდომაში შევიყვანოთ. ჩვენი მთავარი ამოცანა არის რანაირი შიში, მხოლოდ ეფექტური მოქმედება", - განაცხადა გიორგი გახარიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ვეტერანებმა უკრაინაში მებრძოლი ზაალ ლატარიას შვილის ხსოვნას პატივი მიაგეს

რეჟიმი აპირებს, პუტინის მსგავსად ე.წ ეროვნული იდენტობის დაცვის საბაბით მორიგი რეპრესიული კანონი მიიღოს

კობახიძე - კოლექტიური ნაცმოძრაობა არ უნდა იყოს პოლიტიკური სისტემის ნაწილი, წინააღმდეგ შემთხვევაში პოლიტიკური სისტემა ჯანსაღი ფორმით ვერ განვითარდება

"შემოსვლა მომგებიანია" - საქართველოს ბანკის გათამაშება ინდმეწარმეებისთვის დაიწყო