2015-08-05 13:39:41, 685 ნახვა
ეკონომიკა
თბილისი-მოსკოვის მიმართულებით გადაყვანილ მგზავრთა რაოდენობა 74%-ით გაიზარდა
2015 წლის იანვარ-ივლისის პერიოდში წინა წლის ანალოგიურ პერიოდთან შედარებით, თბილისი - მოსკოვის საჰაერო ხაზზე მგზავრთა გადაყვანა 74 პროცენტით გაიზარდა.
ეკონომიკისა და მდგრადი განვითარების სამინისტროს ინფორმაციით, 2015 წლის საანგარიშო პერიოდში ორივე ქვეყნის მიერ დანიშნული ავიაკომპანიის მიერ გადაყვანილია ჯამში 143,169 მგზავრი, რაც 74 პროცენტით (60,953 მგზავრით)მეტია 2014 წლის ანალოგიურ პერიოდთან შედარებით (82,216 მგზავრი).
როგორც უწყებაში აცხადებენ, აღნიშნული მიმართულებით, მგზავრთნაკადის კიდევ უფრო მატება ზაფხულის სეზონის განმავლობაშია მოსალოდნელი.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
