2020-03-12 11:47:02, 1451 ნახვა

---

პაატა იმნაძე - მთავრობამ შესაძლოა დიდი თავყრილობები აკრძალოს, პირველ რიგში, ეს არის ასკაციანი ქორწილები, ქელეხები

დაავადებათა კონტროლის ეროვნული ცენტრის დირექტორის მოადგილის, პაატა იმნაძის განცხადებით, წინასწარ უნდა მოვემზადოთ, რადგან მთავრობამ შესაძლოა დიდი თავყრილობები აკრძალოს, პირველ რიგში, ეს არის ასკაციანი ქორწილები, ქელეხები.

მისი თქმით, აღნიშნული შეზღუდვების დაწესება დამოკიდებულია ეპიდემიოლოგიური სიტუაციის განვითარებაზე.

„მაგალითად, ეს არის პირველ რიგში, ასკაციანი ქორწილები, ქელეხები. ეს არის შეზღუდვა  ჩვეულებრივი ცხოვრების წესის, მაგრამ დადგება მომენტი, როცა ეს შესაძლოა, გასაკეთებელი გახდეს. ამიტომ, ამისთვის ყველა წინასწარ უნდა ვიყოთ მომზადებული, რომ დიდი თავყრილობები შესაძლოა, მთავრობამ აკრძალოს. ყველაფერი სიტუაციაზე იქნება დამოკიდებული. ჩვენ არ გვინდა მივიდეთ ისეთ სიტუაციამდე , როგორთანაც მივიდა ზოგიერთი ევროპული ქვეყანა და მერე გამოაცხადეს ასეთი ღონისძიებები. ყველაფერი დამოკიდებული იქნება ეპიდემიოლოგიური სიტუაციის განვითარებაზე“, - განაცხადა პაატა იმნაძემ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი