„ჩვენი პოზიცია არის უცვლელი და ჩვენ არანაირ დათმობაზე წასვლას არ ვაპირებთ“, - ამის შესახებ ფრაქცია „ნაციონალური მოძრაობის“ ერთ-ერთმა ლიდერმა, ზაალ უდუმაშვილმა განაცხადა.

მისი თქმით, ოპოზიცია ხელისუფლებასთან მანდატებით ვაჭრობას არ აპირებს.

„ჩვენი პოზიცია არის უცვლელი, არაფერი არ შეცვლილა და ჩვენ არანაირ დათმობაზე წასვლას არ ვაპირებთ. იმიტომ, რომ ჩვენი პოზიცია არის ის, რომ საარჩევნო სისტემა უნდა იყოს მაქსიმალურად მიახლოებული პროპორციულ სისტემასთან. ჩვენ არ შევდივართ ვაჭრობაში 5 მანდატი იქით იყოს თუ აქეთ, ეს არ არის სავაჭრო თემა. ჩვენი მთავარი ამოცანაა, სისტემა, რომელიც იქნება არჩევნებზე მაქსიმალურად მიახლოებული იყოს პროპორციულ საარცევნო სისტემასთან. მეორე და არანაკლებ მნიშვნელოვანი საკითხია ის, რომ უნდა  შეწყდეს დევნა პოლიტიკურ ლიდერებზე და გათავისუფლდეს ის პოლიტიკური პატიმრები, რომლებიც დღეს იმყოფებიან ციხეებში“, - განაცხადა ერთ-ერთი ლიდერი, ზაალ  უდუმაშვილმა.

ცნობისთვის, მმართველ გუნდსა და ოპოზიციას საარცევნო სისტემასთან დაკავშირებით მოლაპარაკების ვადა ორშაბათამდე აქვთ. მხარეებს შორის ფორმალური და არაფორმალური შეხვედრები სავარაუდოდ, დღეს ან ხვალ გაიმართება.

ავტორი: ექსპრესნიუსი,

სოციალური ქსელები

გელენჯიკში დაღუპულთა რიცხვი ექვსამდე გაიზარდა, რომელთაგან სამი ბავშვია. დაახლოებით 40 ადამიანი დაშავდა

Deutsche Welle-ს ევროკავშირის დაფინანსებით ქართულენოვანი საინფორმაციო სამსახური გახსნა

საიამ სტრასბურგში არჩევნების საქმეზე ოცნების საპასუხო წერილობითი პოზიცია წარადგინა

WSJ: რუსეთის ხელისუფლება სექტემბრის არჩევნების შემდეგ მობილიზაციის საკითხს განიხილავს