საქართველოში კორონავირუსით ინფიცირების კიდევ ერთი შემთხვევა დაფიქსირდა. ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ განაცხადა.

მისი თქმით, ინფიცირებული ჩრდილოეთ იტალიაში მოგზაურობდა და ის საქართველოს მოქალაქეა.

მისივე ცნობით, პაციენტი საზღვარზე გადმოსვლისას თავს კარგად გრძნობდა. მისი ჯანმრთელობის მდგომარეობა გუშინ გაუარესდა და თავად მიმართა სამედიცინო ცენტრს.

ამირან გამყრელიძე აღნიშნავს, რომ დაწყებულია იმ ადამიანების ძებნა, რომლებთანაც ინფიცირებულს კონტაქტი ჰქონდა.

„საქართველოში კორონავირუსით ინფიცირების ახალი შემთხვევა დაფიქსირდა. გუშინ ღამით გავიგეთ ამის შესახებ, მაგრამ ჩვენ არ გავაკეთეთ ეს განცხადება, რადგან ჩვენ დღეს კიდევ ორ სხვა კორონავირუსის გენზე გავაკეთეთ კვლევა და ერთი საათის წინ დადასტურდა, რომ დადებითი შემთხვევაა კორონავირუსის. წყაროს წარმოადგენს იტალია. ის საქართველოს მოქალაქეა და მისი მდგომარეობა დამაკმაყოფილია. მასზე მიმდინარეობს მონიტორინგი“, - განაცხადა ამირან გამყრელიძემ.

ავტორი: ექსპრესნიუსი,

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო