იუსტიციის მინისტრის პირველი მოადგილე მიხეილ სარჯველაძე საქართველოს მედიატორთა ასოციაციის პრეზენტაციაზე სიტყვით გამოვიდა.  

მედიატორთა ასოციაცია 2019 წლის დეკემბერში, მედიაციის შესახებ ახალი კანონის შესაბამისად შეიქმნა, რომლის ავტორი იუსტიციის სამინისტროა. ცვლილებებზე იუსტიციის სამინისტრომ  ევროკავშირის პროექტისა (EU4justice) და გაერო-ს განვითარების პროგრამის (UNDP) ერთობლივი პროგრამის შესაბამისად შექმნილი სამუშაო ჯგუფის ფარგლებში, „USAID/PROLOG“-ისა და გერმანიის საერთაშორისო თანამშრომლობის საზოგადოების („GIZ“) ჩართულობით და ფინანსური მხარდაჭერით იმუშავა.

ცვლილებათა პაკეტი კერძო სამართლის რეფორმის განმახორციელებელი უწყებათაშორისი საკოორდინაციო საბჭოს ფარგლებში სასამართლო ხელისუფლებას, სახელმწიფო უწყებებს, ქვეყანაში მოქმედ მედიატორთა ასოციაციებს, ამ სფეროში მომუშავე სხვა ინსტიტუტებსა და საერთაშორისო ორგანიზაციებს შორის მიღწეული ფართო კონსენსუსის შედეგია.

 მიხეილ სარჯველაძემ მედიატორთა ასოციაციის დაფუძნების მნიშვნელობაზე ისაუბრა. მისი თქმით, მედიატორთა ასოციაციის გამართული ფუნქციონირება უმნიშვნელოვანესი ფაქტორია მედიაციის შესახებ კანონის ეფექტურად აღსრულებისთვის. კანონის ეფექტიანი მუშაობა კი ხელს შეუწყობს სასამართლოს განტვირთვას განსახილველი დავებისაგან და სწრაფი მართლმსაჯულების განხორციელებას.

 „რაც შეეხება ბიზნესის ხელშეწყობას, ბიზნესისათვის მედიაცია დავის გადაწყვეტის ბუნებრივი და უფრო მოხერხებული გზა. მისი მიზანია ყველა მხარისათვის ხელსაყრელი გადაწყვეტილების მიღება მოკლე დროში ნაკლები ფინანსური დანახარჯით“, - განაცხადა იუსტიციის მინისტრის პირველმა მოადგილემ.

 ღონისძიებაზე „საქართველოს მედიატორთა ასოციაციის“ თავმჯდომარე ირაკლი ყანდაშვილმა ასოციაციის სტრატეგიულ ხედვასა და სამომავლო გეგმებზე ისაუბრა. მისი მოხსენების ძირითადი თემა მედიატორთა თვითრეგულირება; კვალიფიკაციისა და პროფესიული ეთიკის ერთიანი სტანდარტების დამკვიდრება; სასამართლო და კერძო მედიაციის განვითარებისთვის საჭირო ქმედებების განხორციელება იყო.

ევროკავშირისა და გაერო-ს განვითარების პროგრამის (UNDP) მხარდაჭერით გამართულ  შეხვედრას ესწრებოდნენ აღმასრულებელი, საკანონმდებლო და სასამართლო ხელისუფლების წარმომადგენლები, ბიზნესომბუდსმენი, ევროკავშირის ელჩი საქართველოში კარლ ჰარცელი, გაერო-ს განვითარების პროგრამის (UNDP) მუდმივმოქმედი წარმომადგენელი საქართველოში ლუიზა ვინტონი, საქართველოს ადვოკატთა ასოციაციის წარმომადგენლები  და სხვა მოწვეული პირები.

ავტორი: NS (სტატია დაფინანსებულია),

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო