„ბიძინას ბოსტანია თუ ზოოპარკია“ - პარლამენტის შენობასთან შეხლა-შემოხლაა

2020-02-17 11:45:42, 1125 ნახვა

საზოგადოება

საკანონმდებლო ორგანოს შესასვლელთან სამოქალაქო აქტივისტებსა და დაცვის სამსახურის თანამშრომლებს შორის დაპირისპირება მოხდა.

კერძოდ, შეხლა-შემოხლა მას შემდეგ დაიწყო, რაც ერთმა აქტივისტმა პარლამენტის შენობაში შესვლა სცადა.

„ბიძინას ბოსტანია თუ ზოოპარკია, განმარტეთ მაინც რატომ არ გვიშვებთ“, - ასე მიმართეს სამოქალაქო აქტივისტებმა დაცვის სამსახურის თანამშრომლებს.

ცნობისთვის, დღეს პარლამენტში გენერალური პროკურორობის კანდიდატ ირაკლი შოთაძეს მოუსმენენ.

აღნიშნულთან დაკავშირებით, სამოქალაქო სექტორის წარმომადგენლები პარლამენტთან შეიკრიბნენ და ირაკლი შოთაძის გენერალური პროკურორის თანამდებობაზე მოსალოდნელ დანიშვნას აპროტესტებენ. აქტივისტები საკანონმდებლო ორგანოში შესვლას ითხოვენ. როგორც თავად აღნიშნავენ, მათ სახელებზე საშვებია დაშვებული, მაგრამ სამართალდამცავები შენობაში შესვლის საშუალებას არ აძლევენ.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,