მღებრიშვილი: ფირცხალავა გლდანის მე-8 დაწესებულებაში მისივე უსაფრთხოების უზრუნველსაყოფად გადაიყვანეს

2015-07-30 13:51:02, 416 ნახვა

პოლიტიკა

სასჯელაღსრულებისა და პრობაციის მინისტრ გიორგი მღებრიშვილის განცხადებით, შსს-ს ცენტრალური კრიმინალური პოლიციის დეპარტამენტის დირექტოროს ყოფილი მოადგილე ირაკლი ფირცხალავა გლდანის მე-8 დაწესებულებაში მისივე უსაფრთხოების უზრუნველსაყოფად გადაიყვანეს.

მისივე თქმით, ფირცხალავას ე.წ. მატროსოვის ციხეში დღესვე დააბრუნებენ.

გიორგი მღებრიშვილმა არ დააკონკრეტა, რა საფრთხეს გულისხმობდა.

"ირაკლი ფირცხალავა გადაყვანილი იქნა გლდანის მერვე დაწესებულებაში მისივე უსაფრთხოების უზრუნველსაყოფად. შემიძლია დაგიდასტუროთ, რომ დღესვე ის დაბრუნებული იქნება უკან მე-9 დაწესებულებაში, ე.წ. მატროსოვის დაწესებულებაში. არის დეტალები,რომელზეც ღიად ვერ გესაუბრებით",-განაცხადა გიორგი მღებრიშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან