„უმრავლესობის სხდომა ხელოვნურად დანიშნეს იმიტომ, რომ საკუთარი დეპუტატები გოდრებით შეეყვანა პარლამენტში.ეს როგორც ჩანს, მდინარაძის ოსტატობაა“, - ამის შესახებ „ევროპული საქართველოს“ წევრმა გიგი უგულავამ განაცხადა.

უგულავას თქმით, მშვიდობიანი აქცია პასუხია იმაზე, რაც საქართველოში „კოლექტიურმა ივანიშვილებმა“ ჩაიდინეს.

„უმრავლესობის სხდომა ხელოვნურად დანიშნეს იმიტომ, რომ საკუთარი დეპუტატები გოდრებით შეეყვანა პარლამენტში. ეს როგორც ჩანს, მდინარაძის ოსტატობაა. უმრავლესობა ემალება გაბრაზებულ ადამიანებს, უმრავლესობა ემალება საკუტარ მოქალაქეებს, ხან კედლებს არმართავს, ხან პოლიციის კორიდორებს აღმარეთავს, ხან მელასავით შეიპარებიან. კოლექტიურმა ივანიშვილებმა უნდა იცოდნენ, რომ რაც მათ ჩაიდინეს, ამაზე პასუხი მშვიდობიანი აქციაა “, - განაცხადა გიგი უგულავამ.

ცნობისთვის, პარლამენტის შენობასთან პროპორციული საარჩევნო სისტემის მოთხოვნით სამოქალაქო აქტივისტებისა და ოპოზიციის წარმომადგენლების საპროტესტო აქცია მიმდინარეობს. აქციის მონაწილეები „ქართული ოცნების“ დეპუტატებისთვის 11:00 საათზე „სირცხვილის კორიდორის“ მოწყობას გეგმავდნენ, თუმცა ისინი შენობაში საპროტესტო ღონისძიების დაწყებამდე შევიდნენ, რადგან 10:00 საათზე უმრავლესობის სხდომა დაინიშნა. ოპოზიციაში ამბობენ, რომ მმართველმა გუნდმა სხდომა მოულოდნელად განგებ ჩანიშნა, რომ .დეპუტატებს "სირცხვილის კორიდორში" გავლა თავიდან აერიდებინათ. თავის მხრივ, "ქართული ოცნების" დეპუტატებმა ოპოზიციის ბრალდებას "უსაფუძვლო" უწოდეს.

ავტორი: ექსპრესნიუსი,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”