4 თებერვალი კიბოსთან ბრძოლის საერთაშორისო დღეა. მისი მიზანია, კიბოს შესახებ საზოგადოების ინფორმირებულობისა და ცნობიერების გაზრდა, ასევე გადაწყვეტილების მიმღების პირების გააქტიურება, რათა გადაიდგას ქმედითი ნაბიჯები  კიბოს წინააღმდეგ ბრძოლაში.

კიბოსთან ბრძოლის სერვისების მიწოდებით გამორჩეულია აჭარის ავტონომიური რესპუბლიკა. რეგიონის ჯანდაცვის სამინისტრო სახელმწიფო პროგრამებთან ერთად აფინანსებს სხავადასხვა ძვირადღირებულ სამედიცინო მომსახურებებს.

„აჭარის რეგიონი ყოველთვის გამოირჩეოდა ინოვაციური და მოსახლეობის საჭიროებებზე მორგებული სამედიცინო პროგრამების განხორციელებით. აქ არ შემიძლია არ აღვნიშნო ძვირადღირებული ტარგენტული, იმუნოთერაპიული და ბისფოსფონატების ჯგუფის მედიკამენტების დაფინანსება, რომელიც სამინისტრომ რამდენიმე წლის წინ ქვეყნის მასშტაბით პირველმა დაიწყო და დღემდე წარმატებით ახორციელბს“ - აცხადებს ესპრესნიუსთან საუბრისას აჭარის ა/რ ჯანმრთელობისა და სოციალური დაცვის მინისტრი ზაალ მიქელაძე.

 „ავთვისებიანი სიმსივნით დაავადებულ პაციენტთა  დამატებითი  სამედიცინო  მომსახურების პროგრამის ფარგლებში“ სამინისტრო თანაგადახდის გარაეშე სრულად აფინანსებს:

• ადრეული ძუძუს აგრესიული HER-2 რეცეპტორდადებითი დიაგნოზის მქონე პირების მედიკამენტ ტრასტუზუმაბით (ჰერცეპტინით) მკურნალობას.

• ძუძუს აგრესიული HER-2 რეცეპტორდადებითი მეტასტაზური ძუძუს კიბოს დიაგნოზის შემთხვევაში მედიკამენტ პერტუზუმაბის ან ლაპატინიბის მკურნალობის კურსის ღირებულება ტრასტუზუმაბთან (ჰერცეპტინი) ერთად.

• ჰორმონდამოკიდებული HER-2-  მეტასტაზური ძუძუს კიბოს დიაგნოზის შემთხვევაში ფინანსდება, მედიკამენტ ევეროლიმუსის (აფინიტორი) მკურნალობის კურსისის ღირებულება.

სამინისტრო ამავე პროგრამის ფარგლებში მოსახლეობას უზრუნველყოფს ისეთ სამედიცინო მომსახურებებით, რომელიც არ იფარება სახელმწიფო ბიუჯეტით დაფინანსებული სამედიცინო პროგრამებით. ასევე ფინანსდება საყოველთაო ჯანმრთელობის დაცვის სახელმწიფო პროგრამის გეგმიური სტაციონარული მომსახურების, ქიმიოთერაპიული და სხივურითერაპიული სამედიცინო მომსახურების თანაგადახდა სახელმწიფო პროგრამით განსაზღვრული ტარიფის ფარგლებში. უწყება ონკოპაციენტებს უზრუნველყოფს მაღალტექნოლოგიური დიაგნოსტიკური კვლევების დაფინანსებითაც.

„2020 წელს აჭარის ა/რ ჯანმრთელობისა და სოციალური დაცვის სამინისტროს ბიუჯეტში სიმსივნით დაავადებული პაციენტების სამედიცინო მომსახურებისათვის გათვალისწინებულია 2 500 000 ლარამდე. თუ წლის განმავალობაში წარმოიქმნა მეტი საჭიროება, აჭარის მთავრობა მზად  არის გაზარდოს დაფინანსება, თუმცა ვფიქრობ არ დადგება ამის აუცილებლობა“ - ამბობს ზაალ მიქელაძე.

წელს პირველად სამინისტრომ უცხოეთის სამედიცინო დაწესებულებში დაიწყო 18 წლამდე ასკის ონკოჰემატოლოგიური დაავადების მქონე პაციენტების ძვლის ტვინის ღეროვანი უჯრედების გადანერგვის დაფინანსება:

- ძვლის ტვინის აუტოლოგიური ტრანსპლანტაციას -არაუმეტეს 100 000 ლარით;
- ძვლის ტვინის ალოგენური ტრანსპლანტაციას - არაუმეტეს 180 000 ლარით;
- ძვლის ტვინის ჰაპლოიდენტური ტრანსპლანტაციას - არაუმეტეს 210 000 ლარით.

სამინისტრო ძვლის ტვინის ტრანსპლანტაციას მოზრდილი მოსახლეობისათვის საქართველოს სამედიცინო დაწესებულებებში გასული წლიდან აფინანსებს. პროგრამით უკვე ისარგებლა 6 პაციენტმა, სამინისტროს ბიუჯეტიდან გამოიყო 456 000 ლარი. 2020 წელს კი უწყებამ ქვეყნის შიგნით ძვლის ტვინის ტრანსპლანტაციის დაფინანსება 80 000 ლარიდან - 100 000 ლარამდე გაზარდა.

ავტორი: NS (სტატია დაფინანსებულია),

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”