თბილისის საქალაქო სასამართლომ საკრებულოში „ნაციონალური მოძრაობის“ წევრის, ლევან ხაბეიშვილის მიმართ ჯგუფურ ძალადობაში ბრალდებულ „ქართული ოცნების“ დეპუტატებს - თარაშ შურღაიას, ალექსანდრე ხუჯაძეს და ავთანდილ ცინცაძეს გირაო შეუფარდა.

სხდომაზე საქმის პროკურორმა სამივე ბრალდებულისთვის 5 000-ლარიანი გირაოს შეფარდება მოითხოვა, რაც მოსამართლემ სრულად დააკმაყოფილა.

საქმეზე წინასასამართლო სხდომა 12 მარტს გაიმართება.

შეგახსენებთ, 24 იანვარს თბილისის საკრებულოს სპორტის, განათლებისა და სარევიზიო კომისიის გაერთიანებულ სხდომაზე „ქართული ოცნების“ დეპუტატები „ნაციონალური მოძრაობის“ წევრ ლევან ხაბეიშვილს ფიზიკურად გაუსწორდნენ. ხაბეიშვილის მიმართ განხორციელებული ჯგუფური ძალადობის ფაქტზე საკრებულოს უმრავლესობის სამ წევრს ბრალდება დღეს წარედგინათ. პროკურატურამ ბრალდება დღეს თავად ხაბეიშვილსაც წარუდგინა.  მას გამოძიება საკრებულოს თავმჯდომარის მოადგილის ირაკლი ზარქუას მიმართ ძალადობას ედავება.

ავტორი: ექსპრესნიუსი,

სოციალური ქსელები

პუტინი ცხინვალის მარიონეტ კამბოლოვს: ველოდები, რომ გაგლოევის „განვითარებულ მოვლენებს“ გამოიყენებთ

მასშტაბური კორუფციის გამო მერიამ „რიყის დოქების“ დანგრევა გადაწყვიტა - აბესაძე

რუსეთში, ბენზინის დეფიციტის გამო, საავადმყოფოებისთვის, სახანძრო სამსახურებისთვის და საზოგადოებრივი კომუნალური კომპანიებისთვის საწვავის შესყიდვა შეფერხდა

აშშ-ის სახელმწიფო მდივანი მარკო რუბიო ვენესუელას ფაქტობრივი მმართველი გახდა -The New York Times