„ეს ხალხი არის დაქირავებული, მათ უხდიან ფულს“,- ამის შესახებ „მთავარი არხის“ დამფუძნებელმა ნიკა გვარამიამ განაცხადა.

როგორც გვარამიამ ჟურნალისტებთან საუბრისას აღნიშნა, მასზე თავდასხმა გიორგი ვოლსკიმ შეუკვეთა და ის მოითხოვს, რომ ვოლსკიმ დატოვოს მანდატი და მიეცეს სისხლის სამართლის პასუხისგებაში, როგორც დამკვეთი.

გვარამიას თქმით, მასზე თავდასხმა გიორგი ვოლსკიმ შეუკვეთა. ის მოითხოვს, რომ გიორგი ვოლკიმ მანდატი დატოვოს და სისხლის სამართლის პასუხისმგელობაში მიეცეს, როგორც დანაშაულის დამკვეთი. „მათ ჰქონდათ მოტივი ჩემზე ანგარიშსწორებისთვის. ჩემზე ანგარიშსწორება არის ჟურნალისტური და პოლიტიკური პოზიციის გამო. ეს არის სიძულვილის დანაშაული. ამიტომ 126 მუხლით კვალიფიკაცია არის არასწორი. კვალიფიკაცია უნდა მოხდეს მოტივის მიხედვით. ეს არის ჟურნალისტურ და ადვოკატურ საქმიანობაში ხელშეშლა, ჩემი საზოგადოებრივი საქმიანობის გამო ანგარიშსწორება . ამ „კრაკადილშიკებს“ საერთოდ არ აინტერესებთ და არც იციან ჩემი საზოგადოებრივი პოზიცია. ეს ხალხი არის დაქირავებული, მათ უხდიან ფულს, ამას აკეთებს გიორგი ვოლსკი. დღეს მე ჩვენება მივეცი ვოლსკის წინააღმდეგ, ის არის დამკვეთი ამ ანგარიშსწორებისა და არის დამნაშავე. ეს არის მძიმე დანაშაული. ის უნდა დაიკითხოს პირველ რიგში, მასზე ჩვენება მაქვს მიცემული როგორც დამკვეთზე. კეთილი უნდა ინებოს პოლიციამ და პროკურატურამ და ის დაკითხონ. მთავარი მოთხოვნა არის ის, რომ მან პოლიტიკური პასუხისმგებლობის კუთხით მანდატი დატოვოს და სამართლებრივი პასუხისმგებლობის კუთხით, მიეცეს სისხლის სამართლის პასუხისმგებლობაში, როგორც პოლიტიკური ანგარიშსწორების დამკვეთი“, - განაცხადა ნიკა გვარამიამ.

ავტორი: ექსპრესნიუსი,

სოციალური ქსელები

თიბისის მხარდაჭერით, საქართველოს ნაკრები ინფორმატიკის ევროპის ახალგაზრდულ ოლიმპიადაზე გაემგზავრება

მიხეილ ყაველაშვილი – ჩვენმა საპარლამენტო დელეგაციამ ჯო უილსონს სათანადო პასუხი გასცა

სააკაშვილი: „რეფორმატორთა საბჭოს“ შექმნა ხელს შეუწყობს „ნაციონალური მოძრაობის“ განახლებას

საქართველოს დელეგაციამ პროტესტის ნიშნად ჰააგის დეკლარაციის კენჭისყრის დარბაზი დატოვა