აქცია-პერფორმანსი გენპროკურატურასთან - დემონსტრანტები შოთაძის შესაძლო დაბრუნებას აპროტესტებენ

2020-01-22 11:39:00, 952 ნახვა

საზოგადოება

გენერალურ პროკურასთან, სადაც დღეს საპროკურორო საბჭო გენპროკურორობის კანდიდატებთან დაკავშირებით პირველ სხდომას გამართავს, აქცია-პერფორმანსი იმართება.

აქციის მონაწილეები ირაკლი შოთაძის გენერალურ პროკურორად დაბრუნებას აპროტესტებენ და აცხადებენ, რომ მისი დანიშვნის შემთხვევაში დაიწყება მასობრივი პროტესტი.

დემონსტრანტებს ადგილზე მიტანილი აქვთ „მოპარული ბოტასის“ ძეგლი, რაც მათივე განმარტებით, შოთაძისა და ფირცხალავას პროკურატურასთან ასოცირდება.

შეგახსენებთ, რომ გენერალური პროკურორის ვაკანტურ თანამდებობაზე „საქართველოს ტექნიკურმა უნივერსიტეტმა“ საპროკურორო საბჭოს ირაკლი შოთაძის კანდიდატურა წარუდგინა.

ირაკლი შოთაძე, რომელიც ერთხელ უკვე იკავებდა გენერალური პროკურორის თანამდებობას, 2018 წლის 31 მაისს პოსტი დატოვა. მის გადადგომას წინ უძღოდა ხორავას ქუჩაზე მოკლული დავით სარალიძის ოჯახისა და მისი მხარდამჭერების აქციები გამოძიების პროცესში არსებული დარღვევების გასაპროტესტებლად.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან