2020-01-09 12:43:45, 1614 ნახვა

---

მამუკა ხაზარაძე: სასამართლოში სხდომები თითქმის ყოველ მეორე დღეს დაინიშნა, ამიტომ ჩვენს პოლიტიკურ გეგმებს სასამართლოს წინ გაგაცნობთ

პოლიტიკური მოძრაობა „ლელოს“ ლიდერი მამუკა ხაზარაძის განცხადებით, პარტიას საქალაქო სასამართლოში პროცესების სიხშირის გამო, პოლიტიკური საქმიანობისთვის ნაკლები დრო რჩება, რის გამოც ისინი სხდომის დაწყებამდე, სასამართლოს წინ საზოგადოებას სამომავლო გეგმები გააცნობენ.

ხაზარაძის თქმით, სასამართლო პროცესების სიხშირის ზრდა მათთვის პოლიტიკური საქმიანობის ხელშესაშლელად ხდება.

„სასამართლოში სხდომები თითქმის ყოველ მეორე დღეს დაინიშნა, გასაგები მიზეზის გამო, დანიშნულია ძალიან ბევრი სხდომა, რომ ჩვენ ხელი შეგვიშალონ პარტიულ აქტივობაში და მთელი დღეები გავატაროთ სასამართლოში და არ მოგვეცეს საშუალება რეგიონში მოგზაურობის, მაგრამ ჩვენ ამას მაინც მოვახერხებთ, ამიტომ ჩვენ გადავაწყვიტეთ, რომ ყოველ მოსვლაზე, სასამართლოს წინ გაგაცნოთ  ჩვენი გეგმები, გაგაცნოთ ის თეზისები, რომელსაც ჩვენ ვაპირებთ, რომ საზოგადოებას მივაწოდოთ, ჩვენს პარტიის წევრებს, ჩვენს მომხრეებს, რომელთა რიცხვი ძალიან იზრდება და ამით არის შეშინებული მმართველი პარტია და მისი ხელძღვანელი.

თქვენ თუ ნახავთ გრაფიკს, რა გრაფიკით არის დანიშნული ბოლო ორ თვეში ჩვენი მოსვლა სასამართლოში, რომელიც 11 საათზე იწყება და მთელი დღე იქნება გაწელილი, პრაქტიკულრად, კვირაში დარჩენილი გვაქვს ორი დღე, რომ ვიღაცას შევხვდეთ და რაღაც დავგეგმოთ, მაგრამ მაინც შევხვდებით და გამოვიყენებთ ამ მდგომარეობას. პრაქტიკურად, სასამართლოს წინ იქნება ჩვენი ახალი ოფისი“, - განაცხადა მამუკა ხაზარაძემ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი