2020-01-07 19:04:08, 2342 ნახვა
რეგიონი
ხულოში ავტოსაგზაო შემთხვევას 1 ადამიანის სიცოცხლე ემსხვერპლა
ხულოში, ავტოსაგზაო შემთხვევის შედეგად, ერთი ადამიანი გარდაიცვალა, ერთი კი დაშავდა.
შემთხვევა ხულოში, ღორჯომის თემში მოხდა, სადაც მსუბუქი ავტომობილი ხევში გადავარდა.
დაშავებული ახალგაზრდა სხეულზე მრავლობითი დაზიანებებით საავადმყოფოშია გადაყვანილი. ადგილზე მობილიზებული იყვნენ სამართალდამცავები და სამაშველო სამსახურის თანამშრომლები.
როგორც „ექსპრესნიუსს“ შინაგან საქმეთა სამინისტროში განუცხადეს, მომხდარზე გამოძიება სისხლის სამართლის კოდექსის 276-ე მუხლის მეექვსე ნაწილით დაიწყო, რაც სატრანსპორტო მოძრაობისას წესების დარღვევას გულისხმობს, რამაც ადამიანის სიცოცხლის მოსპობა გამოიწვია.
ავტორი: ექსპრესნიუსი,
epn.ge (@expressnews.ge)
