„სერვისის მნიშვნელობა ტურიზმში“ - ამ თემით გაიხსნა სპიკერების საჯარო ლექციები ბათუმში, რომელსაც რეგიონში მოქმედი ტურისტული კომპანიების, განთავსებისა და კვების ობიექტების წარმომადგენლები ესწრებიან.

ღონისძიება აჭარის ტურიზმის დეპარტამენტის სატრენინგო პროგრამის ფარგლებში ტარდება. მისი მიზანი სექტორისთვის ტურიზმში ბრენდინგის, ციფრული მარკეტინგის, ტურიზმის მენეჯმენტის, გასტრონომიის, სერვისისა და სტრატეგიული კომუნიკაციების გაცნობაა. 

ტრენინგებისა და რეგიონში სერვისის გაუმჯობესების მნიშვნელობაზე საუბრით გახსნეს ღონისძიება აჭარის ტურიზმის დეპარტამენტის თავმჯდომარე თინათინ ზოიძემ და აჭარის ფინანსთა და ეკონომიკის მინისტრის მოადგილე სულხან ღლონტმა.

„დღევანდელი ღონისძიებით ჩვენ ვასრულებთ 2019 წლის სატრენინგო პროგრამებს, რომლის ფარგლებში 800-მდე სექტორში დასაქმებული პირი გადავამზადეთ. ყველა ის თემა, რომლის შესახებაც ამ ორი დღის განმავლობაში ჩვენი სპიკერები ისაუბრებენ, აუცილებელია წარმატებული ტურისტული ბიზნესის მართვის, პოპულარიზაციისა თუ სერვისის გაუმჯობესების მიმართულებით. რეგიონის პოპულარიზაციასა და ტურისტული პროდუქტების განვითარებასთან ერთად ჩვენი მთავარი პრიორიტეტია სერვისის გაუმჯობესება და ამ მიმართულებით ჩვენი ბიუჯეტი 2020 წლისთვის 100%-ით იზრდება. ეს კი საშუალებას მოგვცემს თქვენი ჩართულობით უფრო მეტი ტრენინგი დავგეგმოთ. რაც მთავარია, ყველა ჩვენი საგანმანათლებლო პროგრამა არის უფასო და მასში ჩართულობა ნებისმიერ თქვენგანს შეუძლია,“ მიმართა სექტორის წარმომადგენლებს თინათინ ზოიძემ.

სპიკერების საჯარო ლექცია ორდღიანია. ის გუშინ ნათია გოცაძის, მერაბ გოცირიძისა და ქეთევან ალიმბარაშვილის ლექციებით დაიწყო. დღეს კი ტურიზმის მენეჯმენტის, ბრენდინგისა და გასტრონომიის მიმართულებით მსმენელებს საინტერესო თემებს ოთარ ქირია, ქეთი კვიჭიძე და ივანე ნადირაძე შესთავაზებენ.

ავტორი: NS (სტატია დაფინანსებულია),

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა