საქართველოს გარემოს დაცვისა და სოფლის მეურნეობის სამინისტროს გარემოსდაცვითი ინფორმაციისა და განათლების ცენტრის ორგანიზებით ჩატარდა კონკურსი “მწვანე ჯილდო 2019  - სკოლამდელი გარემოსდაცვითი განათლება”.

კონკურსი, რომლის მიზანიც სკოლამდელი აღზრდის დაწესებულებებში გარემოსდაცვითი საკითხების სწავლების ხელშეწყობა და აღმზრდელებისა და მეთოდისტების წახალისებაა, უკვე მეორედ გაიმართა და მასში მონაწილეობა საქართველოს ყველა რეგიონის წარმომადგენელმა მიიღო.

გამარჯვებულთა დაჯილდოვების ცერემონიალი გარემოს დაცვისა და სოფლის მეურნების მინიტრის მოადგილემ ნინო თანდილაშვილმა გახსნა. “ფორმალურ განათლებაში სკოლამდელ განათლებას უმნიშვნელოვანესი ადგილი უკავია, რადგან ამ ეტაპზე იწყება ბავშვის ჩამოყალიბება და მნიშვნელოვანი უნარ-ჩვევების გამომუშავება. შესაბამისად გარემოსდაცვითი საკითხების ინტეგრირება სკოლამდელი მზაობის პროგრამაში, გარემოს დაცვისა და სოფლის მეურნეობის სამინისტროსთვის,  ერთ-ერთი ყველაზე იმედისმომცემი და საამაყო გადაწყვეტილებაა, რადგან დარწმუნებულები ვართ, რომ სკოლამდელი გარემოსდაცვითი განათლების ხელშეწყობით სამომავლოდ უკეთესობისკენ შევცვლით არსებულ მდგომარეობას და გავაუმჯობესებთ მომავალი თაობების დამოკიდებულებებს გარემოსადმი” - აღნიშნა ნინო თანდილაშვილმა.

კონკურსის მონაწილეები, კომისიის წევრებმა,  მთელი წლის განმავლობაში განხორციელებული გარემოსდაცვითი აქტივობების მიხედვით  შეაფასეს და საუკეთესო ათეული გამოავლინეს. ათეულიდან, წლის საუკეთესო აღმზრდელი სპეციალურად გამართულ ღონისძიებაზე გამოვლინდა. 2019 წელს “მწვანე ჯილდოს” მფლობელი ლანჩხუთის მუნიციპალიტეტის სოფელ ნიგვზიანის  აღმზრდელი ნათია თავაძე გახდა. მას გარემოსდაცვითი ინფორმაციისა და განათლების ცენტრმა სამახსოვრო საჩუქრები და  “მწვანე ჯილდო”  გადასცა.

სკოლამდელი გარემოსდაცვითი განათლების ხელშეწყობის მიზნით 2016 წელს სასკოლო მზაობის პროგრამის ფარგლებში გარემოსდაცვითი ინფორმაციისა და განათლების ცენტრმა შეიმუშავა დამხმარე სახელმძღვანელო  აღმზრდელთათვის - „სკოლამდელი გარემოსდაცვითი განათლება’’, რომელიც მოიცავს  სამ ძირითად თემას და შესაბამისად შეიქმნა სამკვირიანი სასწავლო მოდული:  1. ბიომრავალფეროვნება ჩვენ გარშემო  2. წყლისა და ენერგიის დაზოგვა 3. ნარჩენების მართვა.

2016 წლიდან სახელმძღვანელოს დანერგვის მიზნით მიმდინარეობდა სკოლამდელი აღზრდის დაწესებულებების აღმზრდელებისა და მეთოდისტების ტრენინგები მთელი საქართველოს მასშტაბით, ჯამში საქართველოს ყველა მხარეში გადამზადდა 1600-მდე ბაღის 2000-მდე აღმზრდელ-პედაგოგი და მეთოდისტი, რომლებსაც გადაეცათ  სახელმძღვანელოები და სხვა დამხმარე მასალა.

სკოლამდელი გარემოსდაცვითი განათლების ხელშეწყობისა და სფეროში დასაქმებული განმანათლებლების შესაძლებლობების გაძლიერების მიზნით გარემოსდაცვითი ინფორმაციისა და განათლების ცენტრი მუშაობას კვლავაც განაგრძობს.

ავტორი: NS (სტატია დაფინანსებულია),

სოციალური ქსელები

ტრამპმა თანაშემწეებს განუცხადა, რომ მზად იყო ირანთან ომი ბირთვული შეთანხმების გარეშე დაესრულებინა

პენტაგონმა მოითხოვა, რომ ამერიკულმა სამხედრო-სამრეწველო კომპლექსმა დააჩქაროს იარაღის წარმოება

აშშ-მ თურქეთს უკრაინისთვის 12 HIMARS-ის 2500 ჭურვით და 70 ATACMS-ის კასეტური საბრძოლო მასალის მიყიდვის ნებართვა მისცა

გიგაზე თავდასხმამდე კონსულტაცია გაიარა... - რა დეტალებს ასაჯაროებს მოკლული მასწავლებლის დედა