„ადამიანები, რომლებიც ცდილობდნენ პარლამენტის შენობაში შეჭრას, ვერავითარ შემთხვევაში ვერ ჩაითვლებიან პოლიტპატიმრებად“,- ამის შესახებ პარლამენტის ყოფილმა თავმჯდომარემ, ირაკლი კობახიძემ, "გავრილოვის ღამეს" დაკავებულების საქმეზე, სასტუმრო "რედისონში" ჟურნალისტებთან საუბრისას განაცხადა.

მისი თქმით, პარლამენტის შენობაში შესვლის მცდელობა არის კანონის უხეში დარღვევა.

„დაახლოებით 6 თვის წინ ჩვენ ყველამ ერთად ვიხილეთ პარლამენტში შეჭრის მცდელობა, თქვენ წარმოიდგინეთ ასეთი რამე რომელიმე განვითარებულ ქვეყანაში, რომ მოხდეს, მაგალითად აშშ-ის კაპიტოლიუმში, რომ სცადოს ვიღაცამ შესვლა ან გერმანულ რაიხსტაგში რა მოჰყვება ამას. ამ ადამიანებს, რომლებიც ცდილობდნენ პარლამენტის შენობაში შეჭრას დღეს უწოდებენ პოლიტპატიმრებს, ბუნებრივია, ყველაფერი არის დღესავით ნათელი. ძალიან მარტივ საკითხზე გვაქვს საუბარი, თუ საუბარია იმ ადამიანებზე, რომლებიც ცდილობდნენ პარლამენტის შენობაში შეჭრას, ისინი ვერავითარ შემთხვევაში ვერ ჩაითვლებიან პოლიტპატიმრებად, იმიტომ რომ ამ შემთხვევაში ძალიან ცხადა და უხეშად დაირღვა კანონი”,- განაცხადა კობახიძემ.

ავტორი: ექსპრესნიუსი,

სოციალური ქსელები

საქართველოში დაიწყო სამუშაოები ანაკლიის ღრმაწყლოვანი პორტის მშენებლობაზე, რომელიც შუა დერეფნის კვანძია

კობახიძე – ოპოზიცია მთლიანად მოშლილია, ჯერ ქართველ ხალხს არ მოსწონდა ეს ოპოზიცია, ახლა უკვე ერთმანეთი აღარ მოსწონთ

სახელმწიფო ელექტროსისტემის დირექტორი ვანო ზარდიაშვილი თანამდებობიდან გაათავისუფლეს

კობახიძე: არ გვაინტერესებს რას იტყვის დიფ სთეითის კიდევ ერთი აგენტი, ბატონი ჯო უილსონი