2019-12-05 18:06:35, 2838 ნახვა
კომენტარი
დავით მათიკაშვილი: უმრავლესობის უმრავლესობა მხარს პროპორციულ საარჩევნო სისტემას უჭერს
ფრაქცია „ქართული ოცნების“ თავმჯდომარის მოადგილე დავით მათიკაშვილი აცხადებს, რომ მმართველ გუნდში აზრთა სხვადასხვაობის მიუხედავად, უმრავლესობა პროპორციულ საარჩევნო სისტემას უჭერს მხარს.
როგორც მათიკაშვილმა აღნიშნა, ეს კენჭისყრის შედეგებითაც დადასტურდა.
„კონკრეტულ დეპუტატების ჯგუფს, თავისი შეხედულებით, იმ ხედვით, რომლითაც მათ წარმოუდგენიათ უკეთესი საარჩევნო სისტემა, აქვთ სრული უფლება დააფიქსირონ თავისი პოზიცია. მეორე საკითხია უმრავლესობის გადაწყვეტილება რა არის და უმრავლესობის პოზიცია რა არის, რაც ძალიან კარგად ჩანს იმ კენჭისყრის შედეგებში, რომლითაც გამოჩნდა, რომ უმრავლესობის უმრავლესობა მხარს სწორედ პროპორციულ სისტემას უჭერს“, - განაცხადა დავით მათიკაშვილმა.
ავტორი: ექსპრესნიუსი,
epn.ge (@expressnews.ge)
