„ქართული დასის“ ლიდერი ჯონდი ბაღათურია სემეკ-თან ელექტროენერგიის სამომხმარებლო ტარიფის შესაძლო გაზრდას აპროტესტებს.

როგორც ბაღათურიამ განაცხადა, ტარიფების ზრდასთან დაკავშირებით კომერციული ინტერესი თავად ენერგეტიკის მინისტრ კახა კალაძეს აქვს და ამ საკითხს სწორედ ის ლობირებს.

„ელექტროენერგიის ტარიფის ზრდის არც ეკონომიკური და არც სამართლებრივი საფუძველი არ არსბეობს. საქმე იმაშია, რომ თავად კახა კალაძეს აქვს პირადი კომერციული ინტერესი ენერგეტიკაში და ის ლობირებს ელექტროენერგიის ტარიფის ზრდას. მას უფასოდ ჯერ კიდევ სააკაშვილის დროს, მფლობელობაში გადაეცა 18 ჰიდროელექტროსადგური და 3 თბოელექტროსადგური. დღეს განაცხადი სწორედ ამ კომპანიებს აქვთ შემოტანილი. ასევე ცნობილია, რომ ენერგო პრო ჯორჯია, თავად კალაძემ და ნოღაიდელმა შემოიყვანეს თავის დროზე. თუკი დღეს ტარიფის გაზრდასთან დაკავშირებით გადაწყვეტილება იქნება მიღებული, მოსახლეობა უნდა გამოვიდეს და ეს ხელისუფლება დაამხოს“, - განაცხადა ჯონდი ბაღათურიამ.

ცნობისთვის, "ენერგო-პრო ჯორჯიასთვის" ელექტროენერგიის მოხმარების ტარიფის კორექტირებაზე  ენერგეტიკისა და წყალმომარაგების მარეგულირებელი ეროვნული კომისია დღეს საჯარო სხდომაზე იმსჯელებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკავშირის ახალი ინიციატივები აზერბაიჯანისთვის და სომხეთისთვის, საქართველო ბორტს მიღმაა

უილსონი - დიქტატორ ხამენეის დაკრძალვაზე ამერიკის ყველაზე უარესი მოძულეები იკრიბებიან, ოცნების ყალბი პრეზიდენტი ყაველაშვილი ცერემონიალზე დასწრებას გეგმავს

კიევზე რუსული ავიაციის მიერ განხორციელებული იერიშის შედეგად დაღუპულთა რიცხვი 30-მდე გაიზარდა, დაიჭრა 90

თინა ბოკუჩავა – მქონდა ძალიან სერიოზული სინდისის ქენჯნა, რომ ხაბეიშვილის შეცვლის მიზეზად დასახელდა ჯანმრთელობის მდგომარეობა, რაც არ იყო რეალური