საპროტესტო აქციის მონაწილეებმა ჩიტაძის ქუჩაზე, პარლამენტის შესასვლელთან კარავი გაშალეს.

როგორც „ევროპული საქართველოს“ ერთ-ერთმა ლიდერმა, ელენე ხოშტარიამ განაცხადა, ისინი შენობის პიკეტირებას მთელი ღამის განმავლობაში გააგრძელებენ.

„ჩვენ ვუთხარით ხელისუფლებას, რაც არ უნდა მოიყვანოთ რობოკოპები, პოლიციელები, რაც არ უნდა დაარღვევინოთ კანონი პოლიციას და მუშტები გვიქნიოთ, ამოცანა არის იმდენად მნიშვნელოვანი, ეს არის დაბრუნება არჩევანის, რომ ადამიანებმა თავად განსაზღვრონ როგორი იქნება მათი მომავალი. ამიტომ ჩვენ არ ვაპირებთ გაჩერებას, აუცილებლად იქნება პიკეტირება, გავათენებთ აქ ღამეს, აუცილებლად გადაიკეტება რუსთაველი და ვიბრძოლებთ აქ ბოლომდე. ვერც ციხე, ვერც რობოკოპი ვერ შეწყვეტს ჩვენს პროტესტს“, - განაცხადა ხოშტარიამ.

ცნობისთვის, აქციის მონაწილეები საკანონმდებლო ორგანოს შესასვლელებთან გადანაწილდნენ. ისინი აცხადებენ, რომ ხვალ დეპუტატებს პლენარული სხდომის ჩატარების შესაძლებლობას არ მისცემენ. მთავარი მოთხოვნა ვადამდელი პროპორციული არჩევნების ჩატარებაა.

ავტორი: ექსპრესნიუსი,

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო