სამართალდამცველებმა „ევროპული საქართველოს“ წარმომადგენლები დააკავეს.

არსებული ინფორმაციით, პარტიის მძღოლი ბესო შავაძე და რეგიონული სამსახურის უფროსი კობა ზაქარეიშვილი იმ დროს დააკავეს, როდესაც ისინი ავტომობილით რუსთაველის გამზირის მიმართულებით გადადგილდებოდნენ და საღამოს დაანონსებული აქციისთვის საჭირო ინვენტარი მიჰქონდათ.

დაკავებულები შსს-ს შენობაში არიან გადაყვანილი, ავტომობილი კი, საჯარიმო ავტოსადგომზე.

პარტიაში მათი წარმომადგენლების დაკავებას ხელისუფლების მხრიდან ზეწოლად აფასებენ. ისინი ამბობენ, რომ შავაძის და ზაქარეიშვილის დაკავების მიზეზი რუსთაველის გამზირზე შეშის და ინვენტარის მიტანა გახდა.

რაც შეეხება უწყების პოზიციას, შინაგან საქმეთა სამინისტროში „ექსპრესნიუსს“ განუცხადეს, რომ 2 პირის დაკავება ადმინისტრაციულ სამართალდარღვევათა კოდექსის 173-ე მუხლის საფუძველზე მოხდა, რაც პოლიციელის კანონიერი მოთხოვნისადმი დაუმორჩილებლობას გულისხმობს. სამინისტროში ასევე განმარტეს, რომ ავტომობილის საჯარიმოზე გადაყვანა მძღოლის დაკავების გამო მოხდა.

ავტორი: ექსპრესნიუსი,

სოციალური ქსელები

გაზსადენზე მომხდარი ავარიის გამო დიღომში, დიდ დიღომსა და გლდანის რაიონში 4600 აბონენტს გაზის მიწოდება შეუწყდა

მერიამ ე.წ. დეზერტირების ბაზრის მიმდებარედ გარემოვაჭრეების დახლები აიღო

სასამართლომ „ფორმულა“ გოგა ხაინდრავასთვის „მორალური ზიანის მიყენების გამო“ 10 000 ლარით დააჯარიმა

იავნანა ქართულის 1-ელი გაკვეთილი, BOG-ის ინიციატივა საზღვარგარეთ მცხოვრები ბავშვებისთვის