2019-11-22 12:16:14, 2999 ნახვა
სამართალი
პოლიციამ „ევროპული საქართველოს“ პრესსამსახურის ხელმძღვანელი თორნიკე დიასამიძე დააკავა
მცხეთაში, დეპუტატ დიმიტრი ხუნდაძის ბიუროსთან მიმდინარე საპროტესტო აქციაზე ვითარება დაიძაბა.
ადგილზე „ევროპული საქართველოს“ და „ნაციონალური მოძრაობის“ წევრები იმყოფებიან, რომლებსაც ბიუროს კარზე ბოქლომის დადება და შენობაზე სტიკერების დაკვრა სურთ, თუმცა სამართალდამცველები ამის საშუალებას არ აძლევენ.
ცოტა ხნის წინ აღნიშნულს შეხლა-შემოხლა მოჰყვა, რა დროსაც როს პოლიციამ „ევროპული საქართველოს“ პრესსამსახურის ხელმძღვანელი, თორნიკე დიასამიძე დააკავა.
პარტიის წევრის, ირაკლი აბესაძის თქმით, დიასამიძე შენობაზე სტიკერების დაკვრის მცდელობის გამო დააკავეს.
ავტორი: ექსპრესნიუსი,
epn.ge (@expressnews.ge)
