მოძრაობის #შეცვალე აქტივისტები პარლამენტის შენობიდან მსვლელობით „ქართული ოცნების“ ცენტრალურ ოფისთან მივიდნენ.

როგორც ისინი აცხადებენ, ადგილზე გარკვეული დროის განმავლობაში დარჩებიან, რათა მმართველი გუნდის წარმომადგენლებს დისკომფორტი შეუქმნან, შემდეგ კი, კვლავ პარლამენტის შენობასთან გადაინაცვლებენ.

აქციის მონაწილეები პროპორციული საარჩევნო სისტემით რიგგარეშე არჩევნების ჩატარებას ითხოვენ და აცადებენ, რომ სანამ მოთხოვნა არ შესრულდება, პროტესტს არ შეწყვეტენ.

შეგახსენებთ, პარლამენტის შენობასთან საპროტესტო აქცია „ერთად ერთის წინააღმედგ“ მიმდინარეობს. აქციაზე ოპოზიციური პარტიების ლიდერები, სამოქალაქო აქტივისტები და რიგითი მოქალაქეები არიან შეკრებილი. ცოტა ხნის წინ მათ პარლამენტის ჭიშკრებს ბოქლომები დაადეს, შემდეგ კი, ადგილზე კარვები გაშალეს და განაცხადეს, რომ მმართველი გუნდის დეპუტატებს საკანონმდებლო ორგანოში შესვლის შესაძლებლობას არ მისცემენ.

საპროტესტო აქციის გამო, დილიდან როგორც პარლამენტის შიდა და გარე პერიმეტრზე, ასევე მთავრობის ადმინისტრაციასთან და „ქართულო ოცნების“ ოფისთან დიდი რაოდენობით სამართალდამცველია მობილიზებული. ამასთან, პარლამენტის ეზოში და შენობაში განლაგებულია განსაკუთრებულ დავალებათა დეპარტამენტის დანაყოფი, რომელიც სპეციალური ეკიპირებით არის აღჭურვილი.

ავტორი: ექსპრესნიუსი,

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო