მწვანე ეკონომიკის ინოვაციების ფორუმის ფარგლებში, საქართველოს სხვადასხვა უნივერსიტეტის სტუდენტებმა და სატყეო სექტორით დაინტერესებულმა მხარეებმა ტყის რესურსებით მდგრად სარგებლობაზე ბიზნესგეგმები წარმოადგინეს.

შეხვედრა კავკასიის გარემოსდაცვითი არასამთავრობო ორგანიზაციების ქსელის (CENN) ინიციატივით  გაიმართა.

ფორუმის მონაწილეებს  სიტყვით გარემოს დაცვისა და სოფლის მეურნეობის მინისტრის მოადგილემ,  იური ნოზაძემ და ავსტრიის განვითარების სააგენტოს სამხრეთ კავკასიის ოფისის პროგრამის მენეჯერმა,  ვახტანგ მშვიდობაძემ მიმართეს.  მინისტრის მოადგილემ ყურადღება სატყეო სექტორის მართვაში ახალგაზრდების ჩართულობის მნიშვნელობაზე გაამახვილა.

„მნიშვნელოვანია, რომ ფორუმზე წარმოდგენილი იყო ბიზნესკონცეფციები, სადაც აქცენტი გაკეთდა ტყის არამერქნულ რესურსებზე და ეკოტურიზმის განვითარებაზე. მისასალმებელია, რომ  წარმატებულ პროექტებს ავსტრიის განვითარების სააგენტო დააფინანსებს“, - განაცხადა იური ნოზაძემ.

ფორუმის პირველი დღე ენერგეტიკის მიმართულებით მომზადებული ბიზნესკონცეფციების განხილვას დაეთმო, ხოლო მეორე დღე, ტყის სერვისების მრავალფუნქციური  გამოყენების თემაზე სტუდენტების მიერ მომზადებულ კონცეფციებს.

კომპეტენტურმა სპეციალურმა კომისიამ, სატყეო სამუშაო ჯგუფთან ერთად, სტუდენტების მიერ მომზადებული კონცეფციებიდან ოთხი შეარჩია.

პროგრამა ინიცირებულია პროექტის „ტყის მდგრადი მართვა სოფლის განვითარებისათვის“ ფარგლებში, რომელიც ავსტრიის თანამშრომლობა განვითარებისათვის  ფინანსური მხარდაჭერით ხორციელდება.

(NS)

ავტორი: ექსპრესნიუსი,

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო