საქართველოს ხორცისა და რძის სექტორის უვნებლობის, ხარისხის სტანდარტებისა და რეგულაციების ამერიკულ და ევროპულ რეგულაციებთან შედარებითი კვლევის შედეგების განხილვის მიზნით, გარემოს დაცვისა და სოფლის მეურნეობის სამინისტროში შეხვედრა გაიმართა.

შეხვედრა მისასალმებელი სიტყვით გარემოს დაცვისა და სოფლის მეურნეობის მინისტრის პირველმა მოადგილემ, გიორგი ხანიშვილმა გახსნა.

„აღნიშნული კვლევა მნიშვნელოვანია და ხელს შეუწყობს ისეთი რეგულაციების შემუშავებას, რაც ფერმერებს და მეწარმეებს კონკურენტუნარიანი პროდუქციის წარმოებასა და ფერმერული საქმიანობის ეფექტიან განხორციელებაში დაეხმარება“,- განაცხადა გიორგი ხანიშვილმა.

კვლევა ამერიკული ორგანიზაციის „Land O’Lakes Venture37“  პროექტის „ინვესტირება უვნებელ და ხარისხიან მესაქონლეობაში“  ფარგლებში განხორციელდა.

შეხვედრაზე ყურადღება საქართველოს ხორცის და რძის სექტორში არსებულ ძირითად ტენდენციებზე  და რეკომენდაციებზე გამახვილდა.

გარემოს დაცვისა და სოფლის მეურნეობის სამინისტროში გამართულ შეხვედრას მინისტრის მოადგილე ხატია წილოსანი, სამინისტროს შესაბამისი უწყებების, სამსახურების, დარგობრივი ასოციაციების წარმომადგენლები და სხვა დაინტერესებული პირები ესწრებოდნენ.

(NS)

ავტორი: ექსპრესნიუსი,

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო