ანაკლიის კონსორციუმის დირექტორი: მზად ვართ, პარლამენტში მივიდეთ და პროექტის მნიშვნელობაზე ვისაუბროთ

2019-10-22 10:32:05, 1327 ნახვა

კომენტარი

"ანაკლიის განვითარების კონსორციუმის" გენერალური დირექტორი ლევან ახვლედიანი პარლამენტში მისვლას და დეპუტატებთან შეხვედრას არ გამორიცხავს.

როგორც ახვლედიანმა აღნიშნა, ანაკლიის პორტის პროექტზე საუბარს "აბრეშუმის გზის ფორუმზეც" აპირებს.

"ვაპირებთ შეხვედრას სხვადასხვა სტუმართან, ვაპირებთ ჩვენი გეგმების გაცნობას, პროექტის შესახებ ინფორმაციის მიწოდებას. არის დაბრკოლებები, რომელიც ერთობლივი ძალებით უნდა გადავლახოთ ჩვენ და მთავრობამ. მარტო კონსორციუმი ამას ვერ გააკეთებს. აქედან გამომდინარე ჩვენ გვინდა, რომ გადავიდეთ სამუშაო რეჟიმზე, ამისთვის ხორციელდება გარკვეული ნაბიჯები. მზად ვართ მივიდეთ პარლამენტში, ღიად ვისაუბროთ პროექტის შესახებ, მის მნიშვნელობაზე", - აცხადებს ლევან ახვლედიანი.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან