საფრანგეთში, თავშესაფრის მსურველთა რაოდენობით საქართველო ლიდერობს, - ამის შესახებ France24 იუწყება. 

მედია საშუალების ინფორმაცით, 2018 წელს საფრანგეთს თავშესაფრის მოთხოვნით საქართველოს 7 000-მა მოქალაქემ მიმართა. აღსანიშნავია, რომ ეს რიცხვი სირიელ და ერაყელ თავშესაფრის მაძიებელთა რაოდენობას აღემატება. 

France24-ის მიერ მომზადებულ ვრცეკ რეპორტაჟში აღნიშნულია, რომ ქუთაისის აეროპორტში ყველა ფრენა პარიზის მიმართულებით, სრულად დაჯავშნილია.

"მგზავრებს შორის ბევრი ტურისტია, მაგრამ ყველა არა. ამის დადგენას საფრანგეთის საემიგრაციო სამსახურის ოფიცრები ცდილობენ. ერთ-ერთი ხერხი სასტუმროს ჯავშნის შემოწმებაა", - ამბობს რეპორტაჟის ავტორი და თავშესაფრის მთხოვნელთა რაოდენობის ზრდას უფასო მკურნალობასა და ეკონომიკურ პრობლემებს უკავშირებს.

ერთ-ერთი ქართველი რესპოდენტი ყვება, რომ საქართველოში მკურნალობისთვის 5 ათასი ევრო სჭირდებოდა, რისი გადახდის საშუალებაც ოჯახს არ ჰქონდა. ამიტომ, რესპოდენტის განმარტებით, საფრანგეთს თავშესაფრის მოთხოვნით მიმართა და აღნიშნა, რომ მის სოცოცხლეს საქართველოში საფრთხე ემუქრებოდა.

„ჩვენც რომ ასეთივე ჯანდაცვის სისტემა გქვონდეს და ხალხს ასე არ უჭირდეს, საფრანგეთს არ მივმართავდით“, - განაცხადა რესპოდენტმა. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”