ნატო-ს გენერალური მდივნის მოადგილემ როუზ გიოტმიოლერმა  ბათუმის შოთა რუსთაველის სახელმწიფო უნივერსიტეტში დასავლეთ საქართველოს უმაღლესი სასწავლებლების სტუდენტებთან შეხვედრა გამართა.

სტუდენტებს სიტყვით მიმართა ასევე  აჭარის მთავრობის თავმჯდომარემ და ჩრდილოატლანტიკურ ქვეყნებთან თანამშრომლობის გაღრმავების მნიშვნელობაზე ისაუბრა.

„მინდა ხაზი გავუსვა, რომ საქართველოს და ქართველი ხალხის, ასევე საქართველოს მთავრობის ევროატლანტიკური არჩევანი შეუქცევადია. ჩვენთვის კრიტიკულად მნიშვნელოვანია თანამშრომლობის გაღრმავება და ურთიერთობები ჩრდილოატლანტიკურ მოკავშირეებთან.  ჩვენ ვრჩებით, ნატო-ს ერთ-ერთი ყველაზე დიდი კონტრიბუტორი ISAF-ის ოპერაციებში არაწევრ ქვეყნებს შორის და ჩვენი ჯარისკაცები მხარდამხარ იბრძვიან გლობალური და რეგიონალური უსაფრთხოებისთვის", - აღნიშნა თორნიკე რიჟვაძემ.

უნივერსიტეტში გამართულ შეხვედრაზე როუზ გიოტმიოლერმა  ნატო-საქართველოს ურთიერთობებზე, უსაფრთხოების კუთხით მსოფლიოში არსებულ გამოწვევებზე, მათთან გამკლავების მექანიზმებზე ისაუბრა და სტუდენტების შეკითხვებს უპასუხა.

ნატო-ს გენერალური მდივნის მოადგილე საქართველოს ჩრდილოატლანტიკური საბჭოს ვიზიტის ფარგლებში ეწვია. ნატოს დღეები საქართველოში 3 ოქტომბრიდან 31 ოქტომბრის ჩათვლით იმართება და მიზნად ისახავს საქართველოს მოქალაქეების ინფორმირებას საქართველოსა და ნატოს შორის არსებული თანამშრომლობის მექანიზმებისა და პერსპექტივების შესახებ.

(NS)

ავტორი: ექსპრესნიუსი,

სოციალური ქსელები

მედვედევი - დასავლეთმა საქართველო მხოლოდ ჩვენს წინააღმდეგ გეოპოლიტიკური ბრძოლის უხეშ ინსტრუმენტად გამოიყენა

ნიკა გვარამია ირაკლი კობახიძის განცხადებაზე - აი, ეს არის სამშობლოს ღალატი - სამართლებრივადაც

პაპუაშვილი: ერთი არის ქართველი ჯარისკაცებისა და მშვიდობიანი მოსახლეობის გმირობა და თავდადება და მეორე - მარიონეტული რეჟიმის მოღალატეობრივი არსი

სერბეთის პრეზიდენტმა ეჭვი გამოთქვა უკრაინაში ომის გარდაუვალ დასრულებასთან დაკავშირებით