პოლიტიკური მოზრაობა „გირჩის“ წევრები შინაგან საქმეთა სამინისტროში იმყოფებოდნენ.

როგორც პარტიის წევრები აცხადებენ, მათი უწყებაში დაბარება 2018 წელს ჩატარებულ კანაფის ფესტივალს უკავშირდებოდა. პარტიის წევრების ინფორმაციით, სამართალდამცველებმა მათ უთხრეს, რომ მოსამართლის განჩინების საფუძველზე მათი მოსმენა1 წლის განმავლობაში მიმდინარეობდა.

პარტიის დამფუძნებლის ზურაბ ჯაფარიძის შეფასებით, მათი წევრების უწყებაში დაბარება დაშინების მცდელობა იყო. 

„მე ვიყავი მთავარი ორგანიზატორი ამ ფესტივალის, ფორმალურად იქ ვინც კი რაიმე დანაშაული ჩაიდინა ჩავიდინე მე, შესაბამისად უნდა ვიყო პირველ რიგში მე დაბარებული თუმცა არავის არ დავუბარებივარ, ეს არის დაშინების მცდელობა", - აღნიშნა ჯაფარიძემ.

ამასთან, მან Facebook-პოსტიც გამოაქვეყნდა:

"გამოვიდა მირიანი. უთხრეს სუსი გისმენდათ ერთი წელი, ყველაფერი ვიცით როგორ ცხოვრობთ, რას ლაპარაკობთ და რას აკეთებთო, და ახლა საქმეს ვხურავთო. ჰოდა - 1 წელი თუ ჩვენ მართლა გვისმენდნენ და გვიყურებდნენ, და დანაშაულის ნიშნები ვერ აღმოაჩინეს, რავი აბა, რად გვინდა ეგეთი სუსი?", - წერს ჯაფარიძე. 

პარტიის კიდევ ერთი წევრის იაგო ხვიჩიას თქმით, შსს-მ სატელეფონო საუბრებში კანონდარღვევა ვერ აღმოაჩინა.

"მე რომ მარიხუანის ლეგალიზაციის ფესტივალს ვაორგანიზებდი, ეგ ფესტივალამდე დიდი ხნით ადრე იყო ცნობილი. ამის გამო მთელ პოლიტიკურ პარტიას და მხარდამჭერების რომ უსმენ და პირადი ცხოვრების ამბავს რომ იგებენ ეს არის პრობლემა", - განაცხადა ხვიჩიამ ჟურნალისტებთან დაუბარში. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

პაპუაშვილი: ერთი არის ქართველი ჯარისკაცებისა და მშვიდობიანი მოსახლეობის გმირობა და თავდადება და მეორე - მარიონეტული რეჟიმის მოღალატეობრივი არსი

სერბეთის პრეზიდენტმა ეჭვი გამოთქვა უკრაინაში ომის გარდაუვალ დასრულებასთან დაკავშირებით

Bloomberg: უკრაინა შეერთებულ შტატებთან შეთანხმდა, რომ შავ ზღვაში ყაზახურ ნავთობტანკერებზე თავდასხმას არ განახორციელებს

პაპუაშვილი - ნაციონალური მოძრაობა შეეგუა 2008 წლის ომის შემდეგ საქართველოს წინააღმდეგ მიღებულ სანქციებსა და ემბარგოს