თბილისის მერიის ინფრასტრუქტურის განვითარების საქალაქო სამსახური თამარ მეფის ხიდის პანდუსის რეაბილიტაციას ახორციელებს. მიმდინარე სამუშაოებს დედაქალაქის მერი კახა კალაძე გაეცნო.

სამუშაოები, რომელიც მიმდინარე წლის ივლისში დაიწყო, კოჭების შეცვლას, ბურჯის თავების რეაბილიტაციას, სავალი ნაწილისა და ტროტუარის მოწყობას, საყრდენი კედლის მშენებლობას, მოაჯირების შეცვლას, ასევე, თვალამრიდისა და გარე განათების ახალი ქსელის მოწყობას ითვალისწინებს.

დედაქალაქის მერის თქმით, თამარ მეფის პანდუსზე სამუშაოები ნოემბრის ბოლოსთვის დასრულდება.

„თამარ მეფის პანდუსი ავარიულ მდგომარეობაში იყო. პროექტის ფარგლებში, სრულად ხდება აღნიშნული ჩამოსასვლელის რეაბილიტაცია - იცვლება საყრდენები და კოჭები, განათების ბოძები, ელექტროგადამცემი ხაზები კი მიწისქვეშ განთავსდება. ასევე, დამონტაჟდება ახალი სანათები. არსებულ კლდეზე მხატვრული მინათებები გაკეთდება და საერთო ჯამში, კარგი პროექტი გამოვა. რაც მთავარია, პანდუსი იქნება მყარი და უსაფრთხო. პროექტის ღირებულება დაახლოებით, ორი მილიონი ლარია. სამუშაოები ნოემბრის ბოლოსთვის დასრულდება“, - განაცხადა კახა კალაძემ.

პროექტის ფარგლებში, ამ ეტაპზე, ახალი ტროტუარი და სანიაღვრე ქსელი ეწყობა, საყრდენი კედლის მშენებლობა მიმდინარეობს, ხოლო 36 ერთეული კოჭი უკვე მოწყობილია. 

პანდუსის რეაბილიტაცია მიმდინარე წლის ბოლოს დასრულდება. პროექტზე ხელშეკრულების მიხედვით, 1 836 543 ლარი დაიხარჯება. სამუშაოებს კომპანია „კონსტრაქშენ სერვისი“ აწარმოებს.

ადგილზე კახა კალაძესთან ერთად, თბილისის მერის მოადგილე ირაკლი ბენდელიანი, საბურთალოს რაიონის გამგებელი გაიოზ ვასაძე და კონტრაქტორი კომპანიის წარმომადგენლები იმყოფებოდნენ.

(R)

ავტორი: ექსპრესნიუსი,

სოციალური ქსელები

პაპუაშვილი: ერთი არის ქართველი ჯარისკაცებისა და მშვიდობიანი მოსახლეობის გმირობა და თავდადება და მეორე - მარიონეტული რეჟიმის მოღალატეობრივი არსი

სერბეთის პრეზიდენტმა ეჭვი გამოთქვა უკრაინაში ომის გარდაუვალ დასრულებასთან დაკავშირებით

Bloomberg: უკრაინა შეერთებულ შტატებთან შეთანხმდა, რომ შავ ზღვაში ყაზახურ ნავთობტანკერებზე თავდასხმას არ განახორციელებს

პაპუაშვილი - ნაციონალური მოძრაობა შეეგუა 2008 წლის ომის შემდეგ საქართველოს წინააღმდეგ მიღებულ სანქციებსა და ემბარგოს