პარლამენტის დამოუკიდებელი დეპუტატი ეკა ბესელია იმ შეხვედრას იხსენებს, სადაც მისი თქმით, „ქართული ოცნების“ თავმჯდომარე ბიძინა ივანიშვილმა მოსამართლეობის კანდიდატების მხარდაჭერა მოსთხოვა.

როგორც დეპუტატმა აღნიშნა, შეხვედრაზე მას უთხრეს, რომ იმ დროისთვის წარმოდგენილი 10-კაციანი სიიდან, სულ მცირე 5 მოსამართლის დამტკიცება უნდა მომხდარიყო.

„შეხვედრა შედგა, ოთხშაბათი იყო ზუსტად მახსოვს, დილა. სწორედ იმ შეხვედრაზე იყო საუბარი, პირდაპირ იყო ნათქვამი, რომ იქნებ დავთანხმებულიყავი 5 მოსამართლე მაინც გაგვეყვანა იმ 10-კაციანი სიიდან, მათ შორის პირველი ვისი გვარიც მახსოვს, სხვა გვარები არ დასახელებულა, იყო ჩინჩალაძე,რაზეც კატეგორიული უარი ვთქვი, რომ ამას არ გავაკეთებდი. მე მიმაჩნდა, რომ ის სია მთლიანად მიუღებელი იყო აბსოლუტურად, თავისი შინაარსით და ბიოგრაფიით. იქ იყვნენ მოსამართლეები, რომლებიც სწორედ წარსულის ძალადობრივ სისტემას ამყარებდნენ. პროცედურაც აბსოლუტურად უკანონო იყო“, - განაცხადა ბესელიამ.

მანვე აღნიშნა, რომ შეხვედრას თამარ ჩუგოშვილიც ესწრებოდა.

„ქალბატონი ჩუგოშვილი ამას დაადასტურებს თუ არ დაადასტურებს, მე არ მაქვს მოლოდინი, რომ ეს განსაკუთრებულ გამბედაობას გამოიჩენს, ამაშიც გავუგებ მას, როგორც ქალი. მე ვერ მოვთხოვთ სხვას განსაკუთრებულ გმირობას და ვერც იმას მოვთხოვ, რა გზასაც ეხლა მე გავდივარ, ეს გზა გაიაროს. მესმის რომ მას უწევს გარკვეულ კომპრომისებზე წასვლა, ამის მაგალითი იყო იმ ცუდი ცვლილებების მხარდაჭერა და არ გაპროტესტება იმისა, რაც მოხდა ამ პროცეში“, - განაცხადა ეკა ბესელიამ.

ავტორი: ექსპრესნიუსი,

სოციალური ქსელები

არასერიოზულია იმის მტკიცება, რომ ცალკე აღებულმა, "ენერგო-პრო ჯორჯიას“ ხაზმა შესაძლოა გამოიწვიოს ქვეყნის სრული გათიშვა - მიხეილ ბოცვაძე

საქართველოს ბანკი - ფოთის საჭადრაკო ფესტივალზე ქართველი მოჭადრაკეების მთავარი მხარდამჭერი | ტურნირის შეჯამება

საქართველოს ბანკის მხარდაჭერით, მეწარმე ქალებისთვის გაყიდვების თემაზე ვორკშოპი გაიმართა

მედია: ამერიკისა და ისრაელის სადაზვერვო სააგენტოები ირანის ახალ უზენაეს ლიდერს ეძებენ