პრეზიდენტის ადმინისტრაციასთან „ნაციონალური მოძრაობა“ და მისი მხარდამჭერები საპროტესტო აქციას მართავენ.

დემონსტრანტები პრეზიდენტ სალომე ზურაბიშვილის მიერ მკვლელობაში მსჯავრდებულების შეწყალებას აპროტესტებენ.

„მთავარი კრიმინალი ამ ქვეყნის ზის სოლოლაკის სასახლეში და ამ ქალს(სალომე ზურაბიშვილს) ნამდვილად არავინ არაფერს არ ეკითხება. თუმცა რა თქმა უნდა, პასუხისმგებლობისგან არ თავისუფლდება. ის რომ ბიძინა ივანიშვილი, „ქართული ოცნება“ და გიორგი გახარია წინასაარჩევნოდ გაურიგდნენ კრიმინალებს, ეს ყველაფერი საზოგადოებამ პირდაპირ ეთერში ნახა, უამრავი ფაქტით“, - აღნიშნა ენმ-ს ერთ-ერთმა ლიდერმა ლევან ხაბეიშვილმა.

აღსანიშნავია, რომ აქციის მონაწილეებს ადგილზე სხვადასხვა წარწერებიანი ბანერები აქვთ მოტანილი, მათ შორის:  „პოლიელის მკვლელი შეწყალებულია, მოზარდის მკვლელი შეწყალებულია, ძებნილი შეწყალებულია, გავრილოვის პატიმრები არა, დეკანოზი მამალაძე არა“; „პრეზიდენტი უნდა წავიდეს“; „კრიმინალების პრეზიდენტი“; „ქურდული ოცნება“; „სანამ გაეროში რამეს იტყვი, ტექსტი წაგვაკითხე“.

გარდა ამისა, აქციის მონაწილეები აპირებენ მსვლელობით რუსთაველის გამზირზე მიმდინარე #სირცვილიას აქციას „ერთად ერთის წინააღმდეგ“ შეუერთდნენ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

საპატრიარქო - დღეს განსაკუთრებული პატივითა და კრძალვით ვიხსენებთ საქართველოს მშვიდობიან მოქალაქეებსა და სამხედრო მოსამსახურეებს, რომლებმაც საკუთარი სიცოცხლე შესწირეს სამშობლოს

რუსეთის საგარეო: 18 წლის წინ 7-8 აგვისტოს სააკაშვილის რეჟიმი სამხრეთ ოსეთს თავს დაესხა

საგარეო უწყება - ოკუპაციის 18 წლისთავზე, რუსეთი არ ასრულებს ევროკავშირის შუამავლობით დადებულ 2008 წლის 12 აგვისტოს ცეცხლის შეწყვეტის შეთანხმებას

კიევსა და მიმდებარე ტერიტორიაზე რუსული თავდასხმების შედეგად ხუთი ადამიანი დაიღუპა და რვა დაშავდა