„სერიული შემწყალებელი“; „ბიძინას რჩეული კრიმინალი“ - ამ სახელწოდებებით პრეზიდენტის ადმინისტრაციასთან სამოქალაქო აქტივისტები საპროტესტო აქციას მართავენ.

აქციის მონაწილეები პრეზიდენტ სალომე ზურაბიშვილის მიერ მკლველობაში ბრალდებულების შეწყალებას აპროტესტებენ.

„ჩვენ დღეს ვაპროტესტებთ პრეზიდენტის უპასუხისმგებლობას, სამარცხვინო საქციელს შეწყალებასთან დაკავშირებით. პრეზიდენტმა კრიმინალები, ახალგაზრდა ადამიანებისა და პოლიციელის მკვლელები შეიწყალა. უნდა მოხდეს ამ ფაქტის მოკვლელვა, იყო თუ არა აქ კორუპციული სქემა. შემდეგ კი, რა თქმა უნდა დაიწყოს იმპიჩმენტის პროცედურა. ეს არ არის პირველი შემთხვევა, როდესაც სალომე ზურაბიშვილი თვითნებურად იქცევა“, - განაცხადა აქციის ერთ-ერთმა მონაწილემ.

შეგახსენებთ,  სალომე ზურაბიშვილის მიერ შეწყალებულთა შორის არის პოლიციელის, თარაშ მუკბანიანის მკვლელობისთვის მსჯავრდებული რამაზ დევაძე და 18 წლის დავით ოთხმეზურის მკვლელობაში მსჯავრდებული ასლან ბეჟანიძე, რომელსაც გამოძიება 12 წლის განმავლობაში ეძებდა. გარდა ამისა, გავრცელდა ინფორმაცია, რომ შეწყალებულთა შორის ასევე მკვლელობისთვის მსჯავრდებული ზურაბ ნადირაძეც არის, რომლის ექსტრადირებასაც ქართული მხარე 1994 წლიდან 2017 წლამდე ელოდებოდა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

პეკინისა და ვაჟა-ფშაველას გამზირების კვეთიდან ჟვანიას მოედნის მიმართულებით მოძრაობა დროებით შეიზღუდება

რამზან კადიროვის შვილს ჩეჩნეთის რესპუბლიკის გმირის წოდება მიენიჭა

ე.წ ფასეულობების დაცვის მიზნით ოცნების პარლამენტი კანონპროექტის მიღებას აპირებს

ავალიანის საქმეზე იმნაძეს და ბერუაშვილს აღკვეთის სახით პატიმრობა შეუფარდეს