კენიაში, 14 წლის გოგომ მენსტრუაციის გამო შერცხვენის შემდეგ თავი მოიკლა, - ამის შესახებ BBC იუწყება. 

მოზარდის დედის განცხადებით, მისმა ქალიშვილმა თავი მას შემდეგ ჩამოიხრჩო, რაც მასწავლებელმა საჯაროდ დაამცირა.

მედია საშუალების ინფორმაციით, მომხდარი ფაქტის გასაპროტესტებლად სკოლასტან 200-მდე მშობელი შეიკრიბა. პოლიციამ მათ დასაშლელად ცრემლსადენი გაზი გამოიყენა. 

აღსანიშნავია, რომ 2017 წელს კენიაში მიიღეს კანონი, რომელიც სკოლის მოსწავლეებს სანიტარული საფენებით უფასოდ მოამარაგებდა. მიუხედავად ამისა, პარლამენტის კომიტეტი იძიებს, რატომ არ ვრცელდება მიღებული კანონი ყველა სკოლაში.

გოგონას დედის თქმით, მასწავლებელმა მის შვილს "ჭუჭყიანი" უწოდა, რადგან სკოლის ფორმა დაესვარა და კლასიდან გააგდო. მომხდარის შესახემ გოგონამ დედას უამბო, რის შემდეგაც თავი ჩაოიხრჩო. 

BBC წერს, რომ კენიაში, ისევე როგორც მის მსგავს სხვა ქვეყნებში, ბევრ გოგოს ხელი არ მიუწვდება ჰიგიენის ნივთებზე, მათ შორის საფენებზე. გაეროს 2014 წლის ანგარიშის თანახმად, სუბ-საჰარის აფრიკაში 10-დან ერთი გოგო აცდენს სკოლას მენსტრუაციის გამო. შედეგად, განათლების 20%-ს კარგავენ, რის გამოც სკოლიდან რიცხავენ.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”