2019-09-08 10:05:34, 1144 ნახვა
პოლიტიკა
პარლამენტი დღეს მინისტრთა ახალ კაბინეტს კენჭს უყრის
პარლამენტი დღეს, 8 სექტემბერს მთავრობისთვის ნდობის გამოცხადების საკითხს განიხილავს.
პლენარული სხდომა 10:00 საათზეა ჩანიშნული.
რეგლამენტის თანახმად, პრემიერ-მინისტრობის კანდიდატი გიორგი გახარია კანონმდებლების წინაშე მოხსენებით წარსდგება. შემდეგ კი კომიტეტებს, ფრაქციებს და ცალკეულ დეპუტატებს მიეცემათ სიტყვით გამოსვლის საშუალება.
შეგახსენებთ, რომ ყოფილმა პრემიერ-მინისტრმა მამუკა ბახტაძემ თანამდებობა 2 სექტემბერს დატოვა.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
