გიორგი გახარიას მიერ წარდგენილ მინისტრობის კანდიდატებს მხარდააჭერა ექნება, - ამის შესახებ საპარლამენტო უმრავლესობის ლიდერმა, გია ვოლსკიმ პოლიტსაბჭოს დასრულების შემდეგ ჟურნალისტებს განუცხადა.

„ნდობა და მხარდაჭერა გახარიას ექნება, მის წარმოდგენილ კანდიდატურებსაც ექნება მხარდაჭერა და საერთოდ სამთავრობო აქტივობები, სამთავრობო სტრუქტრების საქმიანობა იქნება ინტენსიფიცირებული და თითოეული საჯარო მოხელის პასუხისმგებლობა იქნება გაცილებით უფრო გაზრდილი თითოეული ადამიანის, ჩვენი ამომრჩევლის მიმართ. ეს არის ის რასაც ვგეგმავთ“, - აღნისნა ვოსლკიმ.

რაც შეეხება, საზოგადოების იმ ნაწილს  რომელიც გახარიას თანამდებობაზე ყოფნას მესამე თვეა აპროტესტებს, ვოლსკიმ აღნიშნა, რომ ამის გარდა არსებობს საზოგადოების სხვა ნაწილიც, რომელსაც ხელისუფლებამ ანგარიში უნდა გაუწიოს.

„საზოგადოების იმ ნაწილის გარდა, ვისთვისაც გახარიას პრემიერობა მიუღებელია, არსებობს საზოგადოების ის ნაწილიც, რომელიც ხელისუფლებამ აუცილებლად უნდა  გაითვალისწინოს. რაც არ უნდა მცირე იყოს ადამიანების ის ჯგუფი, რომელიც გახარიას გადადგომას ითხოვენ, იმათაც პასუხი უნდა გაეცეთ რასაკვირველია, კომპეტენტური პასუხი და მე ვფიქრობ, რომ ეს არის მთავარი თემა, რაც ჩვენ გვაღელვებს. მთავარი თემა არის შემდეგი,  პოლიტიკურმა ოპოზიციამ, გარკვეულმა ნაწილმა გადაწყვიტა, რომ ტოლობის ნიშანი დასვას თავის დანაშაულებრივ მმართველობასა და 20-21 ივნისის დროს მომხდარი უბედურ შემთხვევებს შორის“, - განაცხადა გია ვოლსკიმ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

არასერიოზულია იმის მტკიცება, რომ ცალკე აღებულმა, "ენერგო-პრო ჯორჯიას“ ხაზმა შესაძლოა გამოიწვიოს ქვეყნის სრული გათიშვა - მიხეილ ბოცვაძე

საქართველოს ბანკი - ფოთის საჭადრაკო ფესტივალზე ქართველი მოჭადრაკეების მთავარი მხარდამჭერი | ტურნირის შეჯამება

საქართველოს ბანკის მხარდაჭერით, მეწარმე ქალებისთვის გაყიდვების თემაზე ვორკშოპი გაიმართა

მედია: ამერიკისა და ისრაელის სადაზვერვო სააგენტოები ირანის ახალ უზენაეს ლიდერს ეძებენ