„მე მოვედი კონკრეტული მიზნით, კონკრეტული მანდატით და ეს მიზანი არის შესრულებული“, - ასე უპასუხა უკვე ყოფილმა პრემიერ-მინისტრმა მამუკა ბახტაძემ შეკითხვას, თუ რატომ მიიღო თანამდებობის დატოვების გადაწყვეტილება.

როგორც ბახტაძემ განმარტა, მისი მთავარი ამოცანა სტრატეგიული განვითარების ჩარჩოს შექმნა იყო, რომელიც უკვე დანერგილია.

„უფრო მეტიც, მე გითხარით, რომ პირველი საუბარი ამ საკითხთზე დავიწყე ბიძინა ივანიშვილთან გაზაფხულის ბოლოს და ეს გაგრძელდა რამდენიმე თვე. აქაც ჩემი პასუხი არის ძალიან მარტივი - მე როდესაც ამირჩიეს ამ პოსტზე ეს არ იყო განპირობებული იმით, რომ რაღაც არაჩამოყალიბებული და არაგაზომვადი მიზნები ჰქონოდა ჩემს მინისტრთა კაბინეტს, არა, მე ამ პოსტს სხვანაირად არც დავთანხმდებოდი. ეს იყო გაკეთებული კონკრეტული მიზნების მისაღწევად, ამაზე ვრცლად ვისაუბრე დღეს, მაგრამ გავიმეორებ: ჩვენი ამოცანა იყო, რომ შეგვექმნა სტრატეგიული განვითარების ჩარჩო, დაგვეწყო მისი დანერგვა და უზრუნველყოფილი ყოფილი მისი მდგრადობა, ეს გაკეთდა. შესაბამისად, უკვე გაზაფხულის ბოლოს, მქონდა იმის შესაძლებელობა, რომ ამ საკითხის ინიცირება თავად გამეკეთებინა. ისიც შემიძლია გითხრათ, რომ თავიდან, როდესაც იყო ჩემი მხრიდან ესეთი საუბრები, რა თქმა უნდა არ იყო თავდაპირველადვე თანხმობა, იყო აზრთასხვადასხვაობა. ეს ყველაფერი რამდენიმე თვე გაგრძელდა. გუშინ გვქონდა საბოლოო კონსულტაცია, სადაც უკვე მივიღეთ გადაწყვეტილება. ამაზე კონსულტაციები იყო პარტიის ოფისში და არსად სხვაგან. აქ რაღაც კონსპირაციის თეორიის ძებნა არ არის საჭირო, მიმდინარეობს ჩვეულებრივი პოლიტიკური პროცესი“, - განაცხადა მამუკა ბახტაძემ.

ავტორი: ექსპრესნიუსი,

სოციალური ქსელები

არასერიოზულია იმის მტკიცება, რომ ცალკე აღებულმა, "ენერგო-პრო ჯორჯიას“ ხაზმა შესაძლოა გამოიწვიოს ქვეყნის სრული გათიშვა - მიხეილ ბოცვაძე

საქართველოს ბანკი - ფოთის საჭადრაკო ფესტივალზე ქართველი მოჭადრაკეების მთავარი მხარდამჭერი | ტურნირის შეჯამება

საქართველოს ბანკის მხარდაჭერით, მეწარმე ქალებისთვის გაყიდვების თემაზე ვორკშოპი გაიმართა

მედია: ამერიკისა და ისრაელის სადაზვერვო სააგენტოები ირანის ახალ უზენაეს ლიდერს ეძებენ