პირდაპირ გეუბნებით, არ გამოგივათ, იმიტომ რომ ანაკლიას აუცილებად ავაშენებთ, ან თქვენთან ერთად ან თქვენს გარეშე, - ამ სიტყვებით „თიბისი ბანკის“ დამფუძნებელმა მამუკა ხაზარაძემ დღეს გამართულ პრესკონფერენციაზე მმართველმ გუნდს მიმართა.

როგორც ხაზარაძემ აღნიშნა, მისი გუნდი ყველაფერს აკეთებს, რათა ანაკლიის პორტის მშენებლობა „გამარჯვებამდე მივიდეს“.

„თქვენ იცით, რომ ჩვენ დაახლოებით 60 კაცი გვყავს ოფისში, ჩვენი თანაგუნდელები, რომლებიც დღე და ღამე მუშაობენ, იმისათვის, რომ ანაკლიის პროექტი გამარჯვებამდე მივიყვანოთ. პირველი გამარჯვება კი არის ის, რომ დავასრულოთ ის მოლაპარაკება იმ კორპორაციებთან, რომელთაც რამდენჯერაც ახლოს მივედით ხელისმოწერაზე, იმდენი პროკურატურა შემოგვიქსიეს და შემოგვიქსიეს მთელი მსოფლიოს გასაგონად, თითქოს მე და ბადრი ფულის გამთეთრებლები ვართ, არ გამოგივიათ. მაგრამ ეს ქმედება ახლა  მიმართულია იმისათვის, რომ ჩვენ ვერ გადავიხადოთ ხელფასები, ვერ მოვემსახუროთ იმ კრედიტებს, რომელიც ჩვენი რისკის ქვეშ ავიღეთ, ჩვენი აქციების დაგირავების ქვეშ ავიღეთ, რათა ანაკლიის პროექტი მიგვეყვანა გამარჯვებამდე, არც ეს გამოგივათ, პირდაპირ გეუბნებით, არ გამოგივათ, იმიტომ რომ ანაკლიას აუცილებად ავაშენებთ, ან თქვენთან ერთად ან თქვენს გარეშე“, - აღნიშნა მამუკა ხაზარაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

არასერიოზულია იმის მტკიცება, რომ ცალკე აღებულმა, "ენერგო-პრო ჯორჯიას“ ხაზმა შესაძლოა გამოიწვიოს ქვეყნის სრული გათიშვა - მიხეილ ბოცვაძე

საქართველოს ბანკი - ფოთის საჭადრაკო ფესტივალზე ქართველი მოჭადრაკეების მთავარი მხარდამჭერი | ტურნირის შეჯამება

საქართველოს ბანკის მხარდაჭერით, მეწარმე ქალებისთვის გაყიდვების თემაზე ვორკშოპი გაიმართა

მედია: ამერიკისა და ისრაელის სადაზვერვო სააგენტოები ირანის ახალ უზენაეს ლიდერს ეძებენ